तहसीलदारांसमोर घेतले चार ग्रामस्थांनी विष

मानवत - मानोली येथील ग्रामस्थांनी तहसील कार्यालयात तहसीलदारांशी ग्रामस्थांनी चर्चा करतानाच विष प्राषन केले.
मानवत - मानोली येथील ग्रामस्थांनी तहसील कार्यालयात तहसीलदारांशी ग्रामस्थांनी चर्चा करतानाच विष प्राषन केले.

मानवत - विविध मागण्यांसाठी मानोली (ता. मानवत) येथील चार ग्रामस्थांनी मानवत तहसील कार्यालयात विष घेतले. हा प्रकार गुरुवारी (ता. 19) सकाळी अकराच्या सुमारास घडला असून, एका ग्रामस्थाची प्रकृती गंभीर आहे.

मानोली येथील 15 ग्रामस्थांनी दहा एप्रिलला तहसीलदारांना निवेदन देऊन गावातील काही कामांतील गैरव्यवहाराची चौकशी करावी, पिण्याच्या पाण्याची व्यवस्था करावी, 22 बोगस बंधाऱ्याची चौकशी करावी आदी मागण्या केल्या होत्या. त्यावर विचार न झाल्यास 19 एप्रिलला सामुदायिक आत्महत्येचा इशारा दिला होता. त्यानुसार ग्रामस्थ आज सकाळी तहसीलमध्ये दाखल झाले. पोलिसांनी तपासणी करून त्यांना तहसीलदारांच्या दालनात प्रवेश दिला. प्रभारी तहसीलदार नकुल वाघुंडे यांच्याशी चर्चा करीत असताना लक्ष्मण शिंदे यांनी सोबत आणलेले विष घेतले. त्यानंतर इतर ग्रामस्थांनीही विषाची बाटली तोंडाला लावण्याच्या प्रयत्न केला. त्यांना ताब्यात घेण्याच्या प्रयत्न पोलिस करीत असताना झालेल्या झटापटीत चंद्रकांत तळेकर, दत्ता कदम, शेख शगीर यांनीही कीटकनाशक घेतले. त्यातील काही अंश अंगावर पडल्याने सहायक पोलिस निरीक्षक प्रवीण दिनकर भोवळ येऊन कोसळले. शहरातील शासकीय रुग्णालयात प्राथमिक उपचारानंतर सर्वांना परभणीतील शासकीय रुग्णालयात पाठविण्यात आले. यापैकी शेख शगीर यांची प्रकृती गंभीर असल्याचे सांगण्यात आले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com