जायकवाडी धरणातून पुन्हा पाणी सोडणार

चंद्रकांत तारू
शुक्रवार, 29 सप्टेंबर 2017

पैठण (जि. औरंगाबाद) : येथील जायकवाडी धरण आज (शुक्रवार) शंभर टक्के भरल्यामुळे धरणातुन पुन्हा गोदावरीच्या पात्रात पाणी सोडण्यात येणार असल्याची शक्यता धरण प्रशासनाच्या सुत्रांनी व्यक्त केली.

पाण्याची आवक यापेक्षा अधिक वाढल्यास हा निर्णय घेण्यात येणार असल्याचे  सुत्रांनी सांगितले. गेल्या आठवड्यात गुरुवारी (ता. २१) धरणाची पाणी पातळी ९८ टक्के झाल्यामुळे धरणाच्या एकुण २७ पैकी १८ दरवाजे उघडून गोदापात्रात पाणी सोडण्यात आले होते.  

पैठण (जि. औरंगाबाद) : येथील जायकवाडी धरण आज (शुक्रवार) शंभर टक्के भरल्यामुळे धरणातुन पुन्हा गोदावरीच्या पात्रात पाणी सोडण्यात येणार असल्याची शक्यता धरण प्रशासनाच्या सुत्रांनी व्यक्त केली.

पाण्याची आवक यापेक्षा अधिक वाढल्यास हा निर्णय घेण्यात येणार असल्याचे  सुत्रांनी सांगितले. गेल्या आठवड्यात गुरुवारी (ता. २१) धरणाची पाणी पातळी ९८ टक्के झाल्यामुळे धरणाच्या एकुण २७ पैकी १८ दरवाजे उघडून गोदापात्रात पाणी सोडण्यात आले होते.  

धरणातून एकूण १५ हजार क्युसेक पाण्याचा विसर्ग दोन दिवसाच्या काळात सोडण्यात आला. आता पुन्हा धरणाच्या पाणलोट क्षेत्रातून पाण्याचा ओघ वाढला असल्यामुळे पुन्हा पाणी सोडण्यात येणार आहे. दरम्यान, धरणात तीन हजार ६०० क्युसेक पाण्याची आवक असून, धरणाची पाणी पातळी १०० टक्के झाली असल्याची माहिती धरण सहायक अभियंता अशोक चव्हाण यांनी दिली.

'ई सकाळ'वरील इतर महत्त्वाच्या बातम्या : 

Web Title: aurangabad news Once again water will leave the Jayakwadi dam