वाळूज परिसरात कोरोना लसींचा तुटवडा, नागरिकांमध्ये नाराजी

वाळूज(जि.औरंगाबाद) : वाळूज परिसरातील प्राथमिक केंद्र वाळूज, प्राथमिक उपकेंद्र रांजणगाव (शेणपुंजी) व परिसरातील कमळापूर, नायगाव -बकवालनगर, जोगेश्वरी, रामराई व बजाजनगर या परिसरात कोविड लसीचा तुटवडा झाला आहे. त्यामुळे लस घेण्यासाठी रोजगार बुडवून आलेल्यांना शनिवारी (ता.दहा) रोजी परत जावे लागल्याने नागरिकांमध्ये नाराजी दिसून आली. प्राथमिक आरोग्य केंद्र जिकठाण अंतर्गत प्राथमिक आरोग्य केंद्र वाळूज व प्राथमिक उपकेंद्र रांजणगाव (शेणपुंजी) यास कमळापूर, नायगाव -बकवालनगर येथे कोविड लसीकरण केंद्र सुरू आहे.

Corona Updates: मराठवाड्यात कोरोनाचे सहा हजार ६५६ रुग्णांची भर, सात जिल्ह्यांत ८३ जणांचा मृत्यू 

वाळूज येथील लसीकरण केंद्रावर आज पर्यंत १ हजार ४९१ जणांना लस देण्यात आली. तर रांजणगाव (शेणपुंजी) येथील उपकेंद्रावर १ हजार २३८, नायगाव नायगाव- बकवालनगर येथे १३५ व कमळापूर येथे १८ जणांना कोविडची लस देण्यात आली. लस उपलब्ध झाल्याने ४५ वर्षावरील सर्व कामगार व नागरिक लस घेण्यासाठी प्राधान्य देत आहे. शनिवारी लस मिळेल म्हणून अनेक कामगार व नागरिकांनी लसीकरण केंद्रावर गर्दी केली. मात्र लस मिळाली नाही. 

‘ब्रेक द चेन’मुळे कापड व्यवसाय संकटात, निर्बंधांमुळे लग्नसराईतील चैन संपली

रांजणगाव येथील उपकेंद्रात नेमणूक असलेल्या डॉ. मोमीन हुमेरा यांची तालुका आरोग्य अधिकारी यांनी तोडी आदेश देऊन आडुळ येथे केलेली बदली रद्द करुन त्यांना रांजणगाव येथे रुजू करावे. तसेच लसीचा साठा तात्काळ उपलब्ध करुन देण्यात यावा. अशी मागणी पंचायत समिती सदस्य दीपक बडे यांनी जिल्हा आरोग्य अधिकारी व तालुका आरोग्य अधिकारी यांच्याकडे केली आहे. 

संपादन - गणेश पिटेकर