बीडः सरसकट कर्जमाफीसाठी खरात आडगांवमध्ये चुलबंद आंदोलन

शेतकरी रामेश्वर शेजूळ यांचा आत्महत्येचा प्रयत्न

माजलगाव (बीड) : तालुक्यातील खरात आडगाव येथे शेतक-यांना सरसकट कर्जमाफी करावी या मागणीसाठी शेतकरी संघर्ष समितीचे अध्यक्ष गंगाभिषण थावरे यांच्या उपस्थितीत आज (सोमवार) चुलबंद आंदोलन सुरु करण्यात आले असून, शेतकरी रामेश्वर शेजूळ यांनी अंगावर रॉकेल टाकून आत्महत्या करण्याचा प्रयत्न केला.

तालुक्यातील खरात आडगाव येथे रविवारी (ता. 23) सरपंच निवृत्ती रासवे यांच्या अध्यक्षतेखाली ग्रामसभा घेण्यात आली. या ग्रामसभेत राज्यातील शेतक-यांना सरसकट कर्जमाफी द्यावी, या मागणीसाठी खरात आडगाव येथील ग्रामस्थांनी चुलबंद आंदोलन करण्याचा ठराव घेतला. आज (सोमवार) पासून श्रावण महिन्यास सुरुवात झाली आहे. श्रावणाचा पहिला सोमवार असताना खरात आडगाव येथे आज शेतक-यांच्या संपूर्ण कर्जमाफीसाठी गावातील सर्वच घरातील चुली न पेटवता ग्रामस्थांनी या चुलबंद आंदोलनास पाठींबा दिला. यावेळी मोहन शेजुळ, रवी रासवे, हनुमान देवकते, सुंदर रासवे, गुलाब आढाव, गुलाब शेजुळ, किरण शेजूळ, बाबू हाके, बबन देवकते यांच्यासह ग्रामस्थांची उपस्थिती होती.

शेतकरी संघर्ष समितीचे अध्यक्ष गंगाभिषण थावरे यांनी सांगीतले की, 'राज्यातील शेतक-यांना सरसकट कर्जमाफी करावी यासाठी आंदोलन छेडण्यात आले आहे. त्याचाच एक भाग म्हणून चुलबंद आंदोलनाची सुरूवात तालुक्यातील खरात आडगाव येथून करण्यात आली.' दरम्यान, नायब तहसीलदार पी. बी.शिरसेवाड यांना मागण्यांचे निवेदन देण्यात आले. या वेळी तलाठी एस. डी. ठोसरे, पंचायत समिती सदस्य, मिलिंद लगाडे, ग्रामसेवक डी. जी. करे, मंडळ अधिकारी एस. आर. झोंबडे यांच्यासह पोलिस बंदोबस्त ठेवण्यात आला होता.

ई सकाळवरील इतर महत्त्वाच्या बातम्या : 

• ...तर तुमच्या बायकोला विकून टाका: जिल्हाधिकारी
• शिक्षणमंत्री तावडे, कुलगुरुंचा राजीनामा घ्यावा: आदित्य ठाकरे
• शेअर बाजार तेजीवर स्वार; निफ्टी 10 हजारांजवळ
• कोयना धरणातील पाणीसाठा 70 टक्क्यांवर
• ऋषी कपूरने केले महिला संघाबद्दल आक्षेपार्ह ट्विट
• ज्येष्ठ शास्त्रज्ञ व इस्रोचे माजी अध्यक्ष यू.आर. राव यांचे निधन
• 'वाइबो'च्या ड्रॅगनचे ना फूत्कार, ना ज्वाळा! 
• हिंदू चूप बसतील असा विचार करू नका: सुब्रह्मण्यम स्वामी​
• ‘राग देश’ चित्रपट २८ ला रूपेरी पडद्यावर
• कर्जमाफीसाठी राज्य सरकार सज्ज - मुख्यमंत्री
• सरसकट कर्जमाफीचाच विरोधकांचा आग्रह 
• व्रतवैकल्यांचा महिना...
• मुख्यमंत्र्यांचे पिंपरी-चिंचवडकडे विशेष लक्ष
• महापालिकेच्या रुग्णालयांसाठी आठ कोटींची औषध खरेदी