भोकरदन तालुक्‍यात शेतकरी आत्महत्या

भोकरदन - नांजा (ता. भोकरदन) येथील शेतकरी पुंजाराम बंडू सोनुने (वय 52) यांनी शनिवारी (ता. 20) रात्री शेतातील झाडाला गळफास घेऊन आत्महत्या केली.

ही घटना रविवारी सकाळी उघडकीस आली. याप्रकरणी भोकरदन पोलिसांत अकस्मात मृत्यूची नोंद करण्यात आली. बोंडअळीमुळे कापसाचे उत्पादन न झाल्यामुळे बॅंकेचे कर्ज कसे फेडावे, या विवंचनेतून त्यांनी आत्महत्या केल्याची माहिती नातेवाइकांनी दिली.