अंगावरची हळद निघण्यापूर्वीच तीने संपवली जीवनयात्रा

file photo
file photo

नांदेड: सासरी करमत नसल्याने एका नववधुने माहेरी आल्यानंतर गळफास घेऊन आत्महत्या केली. लग्नानंतर अवघ्या 18व्या दिवशी घडलेल्या या घटनेने दोन्ही परिवार सुन्न झाले. ही घटना नेरली (ता. नांदेड) येथे सोमवार (ता. 22) रात्री घडली. अंगावरची हळद निघण्यापूर्वीच नववधुनी केलेली आत्महत्या परिसरात हळहळ व्यक्त करणारी ठरली.

मुदखेड तालुक्यातील जवळा पाठक येथील सचीन जाधव यांच्यासोबत नांदेड तालुक्यातील नेरली येथील मिरा (वय 20) हिचा विवाह 4 मे रोजी झाला. मिराच्या वडिलांनी आपल्या मुलीचा थाटामाटात विवाह लावून दिला. त्यासाठी त्याने कठीम परिश्रम घेतले. परंतु, मुलीच्या नशिबी स्थळ चांगले राहावे म्हणून त्यांनी लग्नात वरपक्षाची सरबराई करण्यात कुठेच कसर ठेवली नाही. विवाहानंतर ती नांदावयास जवळा पाठक येथे गेली. पंधरा दिवस तिने कसाबसा संसार केला. परंतु तिचे मन संसारात व सासरी रमले नाही.

तिला सासरी करमत नसल्याने 18 मे रोजी ती आपल्या माहेरी नेरली येथे आली. मला सासरी करमत नाही असे तिने आपल्या पालकांना सांगितले. तिला पालकांनी समजावून सांगीतले की नवीन स्थळ असल्याने थोडे दिवस करमणार नाही. परंतु हे तिला मान्य नव्हते. अखेर तिने आपल्या माहेरी सोमवारी रात्री सर्व झोपेत असतांना पंख्याला साडीने गळफास घेऊन आत्महत्या केली. या प्रकरणी वामन राघोजी रासे यांच्या माहितीवरून भाग्यनगर पोलिस ठाण्यात आकस्मिक मृत्यूची नोंद करण्यात आली आहे. या प्रकरणाचा तपास पोलिस जमादार एम. आर. माळगे हे करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com