भोकरदन परिसरात अस्वलाचा धुमाकूळ; २ जण जखमी

भोकरदन परिसरात अस्वलाचा धुमाकूळ; २ जण जखमी
भोकरदन परिसरात अस्वलाचा धुमाकूळ; २ जण जखमी

भोकरदन (जि. जालना): भोकरदन परिसरात व शहराजळील फत्तेपूर गावाच्या शिवारात आज (मंगळवार) सकाळी 10च्या सुमारास पाण्याच्या शोधात भरकटलेल्या एका अस्वलाने धुमाकूळ घातला. यावेळी अस्वलाने केलेल्या हल्ल्यात २ जण जखमी झाले

विजय अशोक सपकाळ (वय १६, रा.धनगरवाडी भोकरदन) व फत्तेपूर येथील रूखमबाई सारंगधर तळेकर (वय ४५) असे जखमींचे नाव आहे. विजय याच्या पायाला तर रुखमबाई यांच्या हाताला अस्वलाने चावा घेतल्याचे समजते.

दरम्यान, अस्वलाला पकडण्यासाठी जालना येथील वनविभागाचे चार अधिकारी व कर्मचारी दाखल झाले असून, आणखी एक पथक काही वेळात पिंजऱ्यासह फत्तेपूर गावात दाखल होणार असल्याचे सांगण्यात आले आहे. तूर्तास गावकरी व वनविभागाचे अधिकारी लाठ्या काठ्या घेऊन अस्वलाचा शोध घेत असल्याची माहिती मिळाली. या घटनेने परिसरातील नागरिक व शेतकऱ्यांमध्ये घबराटीचे वातावरण पसरले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com