केबीसी प्रकरणातील दोघांना पुन्हा पोलिस कोठडी

crime
crime

औरंगाबाद - केबीसी कंपनीत रक्कम गुंतवून भरघोस परताव्याचे आमिष दाखवून भाच्याचीच तीन लाख 61 हजार दोनशे रुपयांची फसवणूक करणाऱ्या मामासह त्याच्या साथीदाराच्या पोलिस कोठडीत शुक्रवार (ता. वीस) पर्यंत वाढ करण्याचे आदेश प्रथम वर्ग न्यायदंडाधिकारी के. के. कुरुंदळे यांनी दिले.

राजेश सूरजमल तोनगिरे (रा. अरिहंतनगर, औरंगाबाद) यांनी तक्रार दिली होती. त्यानुसार 2013 मध्ये संशयित आरोपी व राजेश यांचे मामा कचरू लक्ष्मण मंडोरे, गोविंद मारोतराव केंद्रे (रा. दोघे महेंद्रनगर, परभणी) यांनी केबीसी कंपनीत गुंतवणूक केल्यास भरघोस परतावा देण्याचे आमिष दाखवले. मामावर विश्‍वास ठेवून राजेश यांनी 11 डिसेंबर 2013 ला रक्कम दिली होती. काही दिवसांनी केबीसी कंपनीचा संचालक भाऊसाहेब चव्हाण याला फसवणूकप्रकरणी पोलिसांनी अटक केल्याचे समजले. त्यानंतर आपलीही फसवणूक झाल्याचे लक्षात येताच राजेश यांनी जवाहरनगर पोलिस ठाण्यात तक्रार दिली होती.

पोलिसांनी कचरू मंडोरे व गोविंद केंद्रे यांना अटक करून न्यायालयात हजर केले. सुरवातीला न्यायालयाने त्यांना मंगळवारपर्यंत पोलिस कोठडी सुनावली होती. ही कोठडी संपल्यानंतर पुन्हा न्यायालयात हजर करण्यात आले असता, त्यांना आणखी दोन दिवस पोलिस कोठडीत ठेवण्याचे आदेश देण्यात आले. सरकारतर्फे सहायक सरकारी वकील सुनील जोंधळे यांनी बाजू मांडली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com