औरंगाबाद: कार झाडाला धडकून दोन डॉक्टर ठार

औरंगाबाद : स्विफ्ट कार झाडाला धडकून दोन डॉक्टर ठार झाले तर तिसरे डॉक्टर गंभीर जखमी झाले. हि घटना औरंगाबादेतील रामनगर कमानीजवळ पहाटे अडीच ते तीन दरम्यान घडली.

गोविंदकुमार सतनामसिंग (वय 25, रा. मूळ हरियाणा) लक्ष्मीकांत दगडीया (वय 25, रा. रामनगर) अशी मृत डॉक्टरची नावे आहेत. तर कारमधील अरविंद पवार (रा. म्हाडा कॉलनी) हे डॉक्टर गंभीर  जखमी झाले आहेत. तिघे पहाटे कारने जाताना रामनगर येथील कमानीजवळ त्यांची कार एका झाडाला धडकली. धडक एवढी जोरात होती की गोविंदकुमार व लक्ष्मीकांत हे ठार झालेत.

या घटनेनंतर मुकुंदवाडी ठाण्याचे पोलीस उपनिरीक्षक संजय बनसोड, पोलीस शिपाई मुंढे, ढवळे यांनी घटनास्थळी धाव घेत जखमीला उपचारासाठी रुग्णालयात दाखल केले. या घटनेची मुकुंदवाडी पोलिस ठाण्यात नोंद झाली. अरविंद पवार अपेक्स हॉस्पिटल येथे प्रॅक्टिस करतात; मृत  गोविंदकुमार आणि लक्ष्मीकांत सावंगीकर रुग्णालयात प्रॅक्टिस करीत होते अशी माहिती मुकुंदवाडी पोलिसानी दिली.