तलावात पडून शेतकऱ्याचा मृत्यू

तलावात पडून शेतकऱ्याचा मृत्यू

नांदेड : दोन दिवसांपासून घरातून निघून गेलेल्या एका शेतकऱ्याचा मृतदेह तलावात तरंगताना आढळून आल्याची घटना मुदखेड तालक्यातील रोही पिंपळगाव तांडा येथे सोमवारी (ता.दहा) उघडकीस आली.

रोही पिंपळगाव तांडा येथील शेतकरी सीताराम गेमा राठोड (वय ५५) शनिवारी (ता. आठ) घरून शेतात जातो म्हणून गेले होते. नंतर ते परत आलेच नाही. त्यांचा नातेवाईकांनी शोध घेतला; परंतु ते आढळून आले नाहीत. लालू आमरू राठोड हे त्यांचा शोध घेत असताना वसंतवाडी शिवारात असलेल्या एका तलावात त्यांना सीताराम राठोड यांचा मृतदेह दिसला.

या वेळी त्यांनी पोलिस पाटील धारु जाधव आणि मुदखेड पोलिसांना कळविले. पोलिसांनी घटनास्थळी पंचनामा केला. शवविच्छेदनानंतर सीताराम राठोड यांचा मृतदेह नातेवाईकांच्या स्वाधीन केला. मुदखेड पोलिस ठाण्यात आकस्मिक मृत्यूची नोंद करण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com