नांदेड जिल्ह्यात तीन कर्जबाजारी शेतकऱ्यांच्या आत्महत्या

हिमायतनगर तालुक्यातील तिन्ही घटना

नांदेड: सततची नापिकी आणि कर्जबाजारीपणाला कंटाळून हिमायतनगर तालुक्यातील तीन शेतकऱ्यांनी आत्महत्या केल्या. या घटनांमुळे तालुक्यात खळबळ उडाली असून, हिमायतनगर ठाण्यात आकस्मिक मृत्यूची नोंद करण्यात आली.

जिल्ह्यातील हिमायतनगर तालुका कोरडवाहू तालुका म्हणून ओळखला जातो. या तालुक्यात एका पाठोपाठ तीन शेतकऱ्यांनी आत्महत्या केल्या. वाईतांडा येथील सचिन सुरेश पवार (वय २१) या तरुण शेतकऱ्याने विष प्राशन केले होते, त्यानंतर त्याला नांदेडच्या शासकीय रुग्णालयात दाखल केले असता त्याचा उपचारादरम्यान पाच जुलै रोजी मृत्यू झाला. रुग्णालयाच्या कागदपत्रांवरून हिमायतनगर ठाण्यात पोलिस नाईक एस. एस. वरपडे यांच्या माहितीवरून आकस्मिक मृत्यूची नोंद करण्यात आली. डोलारी येथील कर्जबाजारी शेतकरी नितीन संजय कदम (वय २२) या तरुण शेतकऱ्यानेही विष प्राशन करून ता. ३० जुलै रोजी आत्महत्या केली. त्याचाही मृत्यू नांदेडच्या शासकीय रुग्णालयात झाला. याच तालुक्यातील भोंडणी येथील विष्णू आंबू जाधव (वय ३२) यानेही विष प्राशन करून ता. एक ऑगस्ट रोजी आत्महत्या केली. या प्रकरणी हिमायतनगर ठाण्यात आकस्मिक मृत्यूची नोंद केली आहे. या सोबतच आकाश मारोती पवळे (वय २२) या तरुणाने विष प्राशन करून ता. ३१ जुलै रोजी आत्महत्या केली. त्यांच्या आत्महत्येचे कारण समजू शकले नाही.

ई सकाळवरील ताज्या बातम्यांसाठी क्लिक करा:

• भाजप, संघानेच केला माझ्यावर हल्ला: राहुल गांधी
• सोपोरमध्ये लष्करे तैयबाच्या 3 दहशतवाद्यांचा खात्मा
• प्रकाश महेता का 'उल्टा चष्मा' 
• कल्याण: रेल्वे प्रवाशांवरील वाढत्या गुन्हेगारीवर आळा घालण्याची मागणी​
• कोयना धरणात 85.66 टीएमसी पाणीसाठा
• उपराष्ट्रपतिपदासाठी आज मतदान; नायडू-गांधी यांच्यात लढत​
• धुळे : 'याले काय श्रावण म्हणतस'; वृध्दांची खंत​
• पवार यांच्या दूरदृष्टीमुळे शेतीच्या क्षेत्रात क्रांती - देवेंद्र फडणवीस​
• गॅलरीच्या पासमुळे पवार विधिमंडळात आले - तटकरे​
• निगडीपर्यंत मेट्रोची १२ ऑगस्टला घोषणा?​