एका बैठकीत सगळे प्रश्न सुटणार नाहीत:मुख्यमंत्री

औरंगाबाद- औरंगाबादमध्ये आज (मंगळवार) मंत्रीमंडळ बैठकीचे आयोजन करण्यात आले होते. यावेळी एका बैठकीत सगळे प्रश्न सुटणार नाहीत, असे मुख्यमंत्री देवेंद्र फडणवीस यांनी पत्रकार परिषदेत सांगितले.

फडणवीस यांच्या पत्रकार परिषदेतील प्रमुख मुद्दे-

• सिंचनासाठी 9291 कोटी रूपयांची तरतूद, 4 वर्षांत प्रकल्प पूर्ण करणार.
• सोमवारच्या पावसाने 15 लाख हेक्टर पिकाचं नुकसान, 78 टक्के शेतकऱ्यांनी विमा काढला.
• 5326 कोटी रूपयांच्या रेल्वे प्रकल्पांना मान्यता, मार्च 2019 पर्यंत बीडला रेल्वे जाईल असे नियोजन.
• 2300 किमीचे राज्य रस्ते, 2200 किमीचे राष्ट्रीय महामार्ग पुढच्या 3 वर्षात, 30,000 कोटी रूपये केंद्र व राज्य मिळून देणार.
• औरंगाबाद धावपट्टीच्या विस्तारीकरणाला मान्यता.
• प्रधानमंत्री आवास योजनेअंतर्गत मराठवाड्यात 1 लाख घरे बांधणार.
• जालना व लातूर येथील तंत्रनिकेतन हे अभियांत्रिकी महाविद्यालयात रूपांतरित करणार.
• मार्च 2019 पर्यंत परळी-बीड रेल्वे मार्ग सुरु करणार.
• नागपूर-मुंबई एक्सप्रेस-वे मुळे मराठवाडयाला लाभ.
• जमीन खरडून गेली त्यांनाही मदत करणार.
• नांदेड विमानसेवा सुरू करणार.
• जालना येथे सीड पार्क होणार, यासाठी 930 कोटींची तरतूद.
• औरंगाबादमध्ये जलसंधारण आयुक्तालय होणार.
• औरंगाबाद येथे 85 एकर सरकारी जमीन प्राणी संग्राहालयासाठी देणार.
• औरंगाबादेत कॅन्सर संस्थेला राज्य संस्थेचा दर्जा देणार, यासाठी 120 कोटी रुपये निधी देणार.
• औरंगाबाद शहर स्मार्ट सिटीत समावेश. भौतिक सुविधेसाठी 1000 कोटी देणार. 250 कोटी रुपये मनपाच्या हिश्याचे राज्य सरकार देणार.
• हिंगोलीत 10 हजार वैयक्तीक विहीरी घेणार. 3 वर्षांत साडेचार लाख हेक्टर जमीन सिंचनाखाली येईल.
• लातुरला विभागीय क्रीडा संकुलला मान्यता.
• औरंगाबादमध्ये शिवसेनाप्रमुख बाळासाहेब ठाकरे यांचे स्मारक उभारण्यासाठी 10 कोटी रुपये व सात एकर जमीन देणार.
• करोडीला ट्रान्सपोर्ट हब. औरंगाबादला एमएसआरडीसी तयार करणार.