पडकी शाळा ‘आयएसओ’ मिळविते तेव्हा...

सुषेन जाधव
मंगळवार, 3 जानेवारी 2017

डिलिव्हरिंग चेंज फोरमच्यावतीने भारतात २४ आणि २५ जानेवारीला मुंबईत आंतरराष्ट्रीय परिषद होत आहे. जगभरात उद्योग, प्रशासन, कला आणि तंत्रज्ञान क्षेत्रात नेत्रदीपक बदल घडविणाऱया 'चेंज मेकर्स'चा सहभाग हे परिषदेचे वैशिष्ट्य आहे. दोन दिवसांच्या परिषदेत विविध विषयांवर चर्चासत्रे, नेटवर्किंग आणि ज्ञानाची देवाण-घेवाण होणार आहे. परिषदेच्या पार्श्वभूमीवर 'सकाळ' समुह महाराष्ट्राच्या सर्वांगिण विकासासाठी पाठपुरावा करीत असलेल्या क्षेत्रांमध्ये नेमके काय घडते आहे, काय घडवावे लागेल याचा विभागनिहाय आढावा घेत आहोत.
डिलिव्हरिंग चेंज फोरम
२४ व २५ जानेवारी २०१७ 
नेहरू सेंटर, मुंबई
अधिक माहिती व सहभागासाठी क्लिक करा
www.deliveringchangeforum.com

भिंत कोसळलेली, आवारात जनावरांचा गोठा आणि सुविधा कशाला म्हणतात याची जाणीवही न झालेल्या शाळेला ‘आयएसओ’ मानांकन मिळेल, असे स्वप्नातही कुणाला वाटले नव्हते; पण औरंगाबादच्या कुशीत वसलेल्या सातारा या छोट्याशा गावातील जिल्हा परिषद शाळेने ते शक्‍य करून दाखविले. आमूलाग्र बदल घडवीत ‘आयएसओ’ मिळविणारी देशातील ही पहिली शाळा ठरली...! त्यानंतर या शाळेने मागे वळून पाहिलेले नाही. गुणवत्तेत वाढच होत आहे.

मुंजूश्री राजगुरू या मुख्याध्यापिका म्हणून रुजू झाल्या तेव्हा शाळेची अवस्था दयनीय होती. पडक्‍या भिंतींमुळे केवळ नावालाच इमारत होती. त्यामुळे सुविधा असण्याचा काही संबंधच नव्हता. परिणामी विद्यार्थ्यांचीही पाठच होती. हे चित्र पालटण्यासाठी ग्रामस्थांना शिक्षणाचे महत्त्व पटवून देण्यात आले. शाळेच्या विकासाचा नियोजनबद्ध आराखडा तयार झाला. शंभर टक्के उपस्थितीसाठी वेगवेगळे उपक्रम राबविण्यात आले. या साऱ्या प्रयत्नांना ग्रामस्थांची साथ आणि यश मिळू लागले. वर्षभरातच शाळेने ‘साने गुरुजी स्वच्छ- सुंदर शाळा’ उपक्रमात प्रथम क्रमांक मिळविला. त्यानंतर ही शाळा उपक्रमशीलच बनली अन्‌ विविध पुरस्कारांची मानकरीही. एप्रिल २०११ मध्ये शाळेला ‘आयएसओ’ नामांकन मिळाले. केंद्र सरकारच्या स्वच्छ विद्यालय पुरस्कार अभियानात ही शाळा जिल्ह्यात पहिली आली. लोकसहभागातून शाळेला २००७-०८ पासून १३ लाख ४६ हजार रुपयांचा निधी मिळाला आहे. शिक्षण अधिकार अभियानाला राष्ट्रीय स्तरावर गती देण्यासाठी केंद्रीय संसाधन विकास मंत्रायलातर्फे राज्याच्या शिक्षणाचे नुकतेच मूल्यांकन केले गेले. २०१० पासून शिक्षण अधिकाराच्या अधिन राहून या शाळेची रोल मॉडेल म्हणून निवड झाली.

आता शाळेत काय?
 बैठकीसाठी लोकसहभागातून शेडनेट. 
 पहिली ते सातवीपर्यंत ५७१ विद्यार्थी, १७ शिक्षक कार्यरत. 
 वाचनालयात साडेसहा हजार पुस्तके. 
 संगणक कक्ष, वायफाय, सीसीटीव्ही, ई-लायब्ररी, एलईडी प्रोजेक्‍टर, साउंड सिस्टीम, वॉटर फिल्टर, इन्व्हर्टर, रेन वॉटर हार्वेस्टिंग, सौर दिवा, सांडपाणी व्यवस्था, खतनिर्मिती आदी.
 २०११-१२ पासून सेमी इंग्रजी माध्यम सुरू

मराठवाडा

आष्टी - आई-वडील शिक्षक असलेल्या शाळकरी विद्यार्थ्याने गळफास घेऊन आत्महत्या केल्याची खळबळजनक घटना आष्टी शहरात आज घडली....

01.24 AM

दोन कुटुंबांतील पाच संशियत रुग्ण; आराेग्य विभागाचा दुजोरा अर्धापूर (नांदेड): अर्धापूर शहरात डेंगीचा रुग्ण आढळल्याची घटना ताजी...

बुधवार, 16 ऑगस्ट 2017

राष्ट्रवादी काँग्रेसचा सेलू तहसिल कार्यालयावर  मोर्चा सेलू (परभणी): गेल्या दीड महिण्यांपासून तालुक्यात पावसाने उघडीप...

बुधवार, 16 ऑगस्ट 2017