महागाईचा तडाखा; CNG चार रुपयांनी वाढला

मुंबई : महानगर गॅसने वाहनांसाठी लागणाऱ्या सीएनजीच्या दरात किलोमागे चार रुपयांनी वाढ केली; मात्र स्वयंपाकाच्या पीएनजीच्या (पाईप गॅस) दरात कोणतीही वाढ करण्यात आली नाही. नव्या दरवाढीमुळे सीएनजीचे दर प्रतिकिलोला ७६ रुपये झाले आहेत. सीएनजीची ही महिन्यातील तिसरी दरवाढ आहे. ३० एप्रिलच्या पहाटेपासून ही दरवाढ लागू होईल. दरम्यान, पीएनजीच्या दरात कोणतीही वाढ झाली नसल्याने गृहिणींना दिलासा मिळाला.