सीएनजी, पीएनजी दरांत वाढ

सीएनजी, पीएनजी दरांत वाढ

मुंबई - महानगर गॅस लिमिटेड या कंपनीने शनिवारच्या मध्यरात्रीपासून पीएनजी (पाइप नैसर्गिक गॅस) व सीएनजीच्या दरात वाढ केली आहे. त्याचा फटका वाहनचालकांपासून सर्वसामान्यांनाही बसणार आहे. सीएनजीच्या दरात किलोमागे 85 पैसे, तर पीएनजीच्या प्रतिक्‍युबिक मीटरसाठी 50 पैशांनी वाढ झाली आहे. यामुळे मुंबईत सीएनजीचा दर किलोमागे 40 रुपये 82 पैसे आणि पीएनजीच्या पहिल्या टप्प्याचा दर 24 रुपये 42 पैसे असेल. पीएनजीच्या दुसऱ्या टप्प्यात ही वाढ 50 पैशांनी अधिक होईल, असे कंपनीने स्पष्ट केले आहे. या दरवाढीचा परिणाम मुंबई वगळता महानगर क्षेत्रातील इतर शहरांत स्थानिक करांमुळे आणखी वाढेल. त्या भागांत सीएनजीचा दर किलोमागे 40 रुपये 82 पैसे ते 41 रुपये 58 पैशांदरम्यान असेल. पीएनजीच्या पहिल्या टप्प्यासाठी 24 रुपये 42 पैसे ते 24 रुपये 63 पैसे इतका दर असेल, असे कंपनीने प्रसिद्धिपत्रकाद्वारे कळवले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com