48 लाखांचे एमडी ड्रग्ज घाटकोपरमध्ये जप्त

48 लाखांचे एमडी ड्रग्ज घाटकोपरमध्ये जप्त

मुंबई: घाटकोपर परिसरात एमडी या अमली पदार्थाची तस्करी करणाऱ्या चार जणांना घाटकोपर अमली पदार्थविरोधी कक्षाने (एएनसी) शुक्रवारी (ता.17) अटक केली. त्यांच्याकडून 48 लाख रुपयांचे अमली पदार्थ जप्त केले आहेत.

सन्नी ऊर्फ आसिफ गुलाम अन्सारी, यतीन संघवी, सॅयमूल पाठक ऊर्फ सॅम, दिलविंदर अजमेरसिंग ऊर्फ जग्गी सिंग अशी आरोपींची नावे आहेत. चारही आरोपींना 23 फेब्रुवारीपर्यंत पोलिस कोठडी सुनावली आहे.

घाटकोपर बस डेपोजवळ एमडी अमली पदार्थाची तस्करी होणार असल्याची माहिती घाटकोपरच्या एएनसीला मिळाली होती. पोलिस उपायुक्त (अमली पदार्थविरोधी कक्ष) शिवदीप लांडे यांच्या मार्गदर्शनाखाली वरिष्ठ निरीक्षक दिलीप सावंत, उपनिरीक्षक बबन सानप यांनी आपल्या सहकाऱ्यांसह शुक्रवारी (ता.17) तेथे सापळा रचला. एका वाहनातून सायंकाळी दोन जण बस डेपोजवळ उतरले. काही वेळाने आणखी दोन जण तेथे आले. पोलिसांना त्यांच्या हालचाली संशयास्पद वाटल्या. चौघांनाही चौकशीकरिता ताब्यात घेऊन चौकशी केली असता सन्नी आणि यतीन अमली पदार्थ तस्करीतील मुख्य आरोपी असल्याचे निष्पन्न झाले. सन्नी मोबाईल दुरुस्ती; तर यतीन औषध कंपनीत कामाला आहे. सॅम बेरोजगार आहे, तर दिलविंदर एसी मॅकेनिक आहे. जप्त केलेले एमडी ड्रग्ज पंजाब आणि गुजरातमधून मुंबईत आणले होते. पोलिसांनी 45 दिवसांत 21 किलो एमडी ड्रग्ज जप्त केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com