पुरवणी आरोपपत्र दाखल करा - हायकोर्ट

पुरवणी आरोपपत्र दाखल करा - हायकोर्ट

मुंबई - चोरीच्या गुन्ह्यातील संशयिताचा वडाळा रेल्वे पोलिसांच्या कोठडीत झालेल्या मृत्यूप्रकरणी केंद्रीय अन्वेषण विभागावर (सीबीआय) सोमवारी ताशेरे ओढले. एका संशयितावर लैंगिक अत्याचार झाल्याचेही समोर आले होते. या प्रकरणी आरोपींवर योग्य कलमे लावली नसल्याचे निरीक्षण नोंदवत सीबीआयने तपास करून पुरवणी आरोपपत्र दाखल करण्याचे आदेश न्यायालयाने दिले आहेत.

संशयित अग्नेलो वल्दारीस याचा कोठडीत असताना मृत्यू झाला होता, तर त्याच्या साथीदारावर लैंगिक अत्याचार झाल्याचे समोर आले होते. या प्रकरणास जबाबदार असलेल्या पोलिसांना पाठीशी घालण्याचा प्रयत्न करणाऱ्या राज्य सरकारवरही न्यायालयाने ताशेरे ओढले. संशयितांच्या मृत्यूशी संबंधित नऊ पोलिसांवर गुन्हा दाखल करून सीबीआयने चौकशी करावी. त्या तपासावर महासंचालकांनी देखरेख ठेवावी, असे आदेश यापूर्वी न्यायालयाने दिलेले होते. अग्नेलोचे वडील लिओनार्ड यांनी 2014 मध्ये उच्च न्यायालयात याचिका दाखल केली होती. उच्च न्यायालयाचे न्या. रणजित मोरे व न्या. ए. एम. बदर यांच्या खंडपीठासमोर या प्रकरणी सुनावणी झाली. वडाळा येथील 10 रेल्वे पोलिसांवर या प्रकरणी गुन्हा दाखल केला. जानेवारीत आरोपपत्र दाखल केले; मात्र यात अनैसर्गिक संभोगाची कलमे लावली नसल्याची बाब याचिकाकर्त्यांचे वकील युग चौधरी यांनी खंडपीठाच्या निदर्शनाला आणून दिली.
...
दोन महिन्यांची मुदत
आरोपपत्रात नमूद असलेल्या कलमांनुसार किमान तीन वर्षांची शिक्षा आरोपींना होऊ शकते. हत्या आणि अनैसर्गिक संभोग प्रकरणाची कलमे लावली तर आरोपींना जन्मठेपेपर्यंतची शिक्षा होऊ शकते. त्यामुळे या प्रकरणाचा तपास तातडीने पूर्ण करून या कलमांसह आठ आठवड्यांत पुरवणी आरोपपत्र दाखल करण्याचे आदेश खंडपीठाने सीबीआयला दिले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com