उमेदवार मुलगी; प्रचार वडिलांचा!

सकाळ वृत्तसेवा
शुक्रवार, 17 फेब्रुवारी 2017

उल्हासनगर - आरक्षणामुळे महिलांना उमेदवारी मिळाली असली तरी प्रचार,बैठकांपर्यंतची सर्व धुरा कुटुंबातील पुरुषच हाताळत आहेत. उल्हासनगरच्या पॅनेल क्रमांक नऊ मध्येसुद्धा असाच प्रकार सुरू आहे.

उल्हासनगर - आरक्षणामुळे महिलांना उमेदवारी मिळाली असली तरी प्रचार,बैठकांपर्यंतची सर्व धुरा कुटुंबातील पुरुषच हाताळत आहेत. उल्हासनगरच्या पॅनेल क्रमांक नऊ मध्येसुद्धा असाच प्रकार सुरू आहे.

पॅनेल क्रमांक नऊमधील ‘अ’ प्रभाग महिलांसाठी राखीव झाल्यामुळे  राष्ट्रवादीचे नगरसेवक नरेंद्र कुमारी ठाकूर यांचा पत्ता कट झाला. त्यामुळे त्यांनी यूडीएकडून मुलगी डिम्पल हिला उमेदवारी मिळवली. ती कमळ चिन्हावर निवडणूक लढवत आहे; मात्र पोस्टर, बॅनर्स, स्टिकर्सवर तिच्याऐवजी वडिलांचे छायाचित्र व नाव दिसत आहे. याबाबत शिवसेना उमेदवार रिंकू सुनील केदारे यांनी राज्य निवडणूक आयोगाकडे तक्रार केली आहे. हा गैरप्रकार असून, महिला सक्षमीकरणाविरोधात आहे, असे त्यांचे म्हणणे आहे. यासंदर्भात निवडणूक निर्णय अधिकारी धनाजी तोरस्कर म्हणाले की, याप्रकरणी आम्ही संबंधित उमेदवाराला नोटीस दिली आहे. ही बाब उल्हासनगर पालिका व पोलिस प्रशासनाला कळवली आहे.

Web Title: Female candidates; Promotion father!