बेकायदेशीर रिक्षा पार्क करणाऱ्या चालकांविरोधात वाहतूक पोलिसांची कारवाई 

marathi news mumbai kalyan rikshaw illegal parking traffic police
marathi news mumbai kalyan rikshaw illegal parking traffic police

कल्याण - कल्याण डोंबिवली महानगर पालिका परिवहन उपक्रमाच्या (केडीएमटी) कल्याण परिसरात अनेक बस स्टॉप आहेत. मात्र त्यावर दुचाकी, कार, खासगी बस आणि रिक्षा बेकायदेशीर पार्क करणाऱ्या विरोधात वाहतूक पोलिसांनी आज पासून कारवाईला सुरुवात केली असून आगामी काळात काही दिवस ही कारवाई सुरू राहणार असल्याचे वाहतूक पोलिसांनी स्पष्ट केले आहे. 

कल्याण डोंबिवली महानगर पालिका परिवहन उपक्रमाच्या (केडीएमटी) बसेस कल्याण पश्चिम मधून मुरबाड रोड आणि बिर्ला कॉलेज रोडने धावतात, प्रवासी वर्गाला उतरण्यासाठी आणि चढण्यासाठी अनेक ठिकाणी केडीएमटीने बस स्टॉप बांधले आहेत. मात्र त्यावर रिक्षा, खासगी बसेस, दुचाकी, वाहन चालकांनी वाहन बेकायदेशीर रित्या पार्क करत असल्याने सर्व सामान्य नागरीकांना नाहक त्रास सहन करावा लागत होता. याबाबत कल्याण डोंबिवली राष्ट्रवादी युवक काँग्रेस उपाध्यक्ष प्रसाद महाजन यांनी आंदोलनाचा इशारा दिला होता. 

अनेक नागरीकांच्या तक्रारी पाहता आज सोमवारी (ता 5 मार्च) सकाळी कल्याण वाहतूक शाखेचे वरिष्ठ पोलीस निरीक्षक संभाजी जाधव यांच्या नेतृत्वाखाली बेशिस्त वाहन चालकाविरोधात धडक कारवाई करण्यास सुरुवात झाली. केडीएमटी बसस्टॉप वर बेकायदा पार्क करणाऱ्या 8 रिक्षा चालक तर चौथे सीट प्रवासी घेऊन प्रवास करणाऱ्या आणि नियम न पाळणाऱ्या 20 रिक्षा चालकाविरोधात दंडात्मक कारवाई करण्यात आली असून ही पुढील आदेश येईपर्यंत कारवाई सुरू राहणार असल्याचे वाहतूक पोलिसांनी स्पष्ट केले आहे.

रिक्षा चालकांनी त्यांना दिलेल्या रिक्षा स्थानक मधून व्यवसाय करावा, नियमाचे पालन करावे, बसस्टॉपवर रिक्षा किंवा अन्य वाहनांनी वाहन पार्क केल्यास त्यावर कठोर कारवाई केली जाईल, ही कारवाई पुढील आदेश येई पर्यंत सुरू राहणार असल्याची माहिती कल्याण वाहतूक शाखेचे वरिष्ठ पोलिस निरीक्षक संभाजी जाधव यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com