एमआयएम मुंबईत 76 जागा लढविणार

एमआयएम मुंबईत 76 जागा लढविणार

मुंबई : मुंबई नगरपालिकेच्या निवडणुकीत एमआयएम 227 पैकी 76 जागा लढविणार आहे. ओवेसी बंधूंच्या उपस्थितीत मुंबईत 30 सभाही घेण्याचे ठरले आहे. यामुळे समाजवादी आणि कॉंग्रेसच्या व्होट बॅंकेला फटका बसण्याची शक्‍यता निर्माण झाली आहे.

एमआयएमने मुंबई महापालिका निवडणुकीची जोरदार तयारी चालवली आहे. आतापर्यंत ओवेसी बंधूंच्या उपस्थितीत मुंबईत दोन सभाही झाल्या आहेत. नगरसेवकांच्या मुंबई महापालिकेत कॉंग्रेसचे 52 आणि समाजवादी पक्षाचे 9 नगरसेवक आहेत. एमआयएमने मुस्लिम बहुल भागावर लक्ष केंद्रित केले आहे. त्यात मालवणी, कुर्ला, भायखळा, नागपाडा या भागांचा समावेश आहे. आजपर्यंत येथून सपा व आणि कॉंग्रेसचे नगरसेवक निवडून येत होते. मुंबईतील मुस्लिम युवकांत एमआयएमबाबत कमालीचे आकर्षण आहे. त्यात एमआयएमएम दलित कार्डही खेळणार आहे.

तिकीटवाटपात दलित उमेदवारांना प्राधान्य देण्याचे पक्षाने ठरवले आहे. त्यामुळे सेना, भाजप वगळता इतर पक्षांना एमआयएमचा मोठा धोका वाटत आहे.
आजपर्यंत युतीने झोपडपट्टी आणि मुस्लिम वस्त्यांना निधी देण्यात दुजाभाव केल्याचा मुद्दाही एमआयएम प्रचारात उपस्थित करणार असल्याचे एमआयएमच्या एका वरिष्ठ नेत्याने सांगितले. एमआयएमचा कॉंग्रेस, सप व राष्ट्रवादीला फटका बसणार आहे. मात्र याचा फायदाही आपोआप शिवसेना, भाजपच्या उमेदवारांना होण्याची शक्‍यता आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com