जुन्या कसारा घाटात दरड कोसळल्याने वाहतूक ठप्प

शहापूर : जुन्या कसारा घाटात आज (रविवार) सकाळी सहाच्या सुमारास मोठी दरड कोसळून वाहतूक एक तास ठप्प झाली होती.

गेल्या दोन दिवसांपासून पडत असलेल्या मुसळधार पावसामुळे जून्या कसारा घाटातील मुंबईहुन नाशिककडे जाणाऱ्या लतिफवाडी व जव्हार फाटा दरम्यान असलेली दरड कोसळली. सुदैवाने कोणतीही जीवित हानी झाली नाही. पण मुंबईहुन नाशिक कडे जाणारी वाहतूक एक तास ठप्प झाली होती, त्यातच आज रविवार असल्याने इगतपुरी आणि कसारा घाटातील पावसाचा आनंद घेण्यासाठी येणाऱ्या पर्यटकांची संख्या मोठी असल्याने मुंबईहुन येणाऱ्या गाड्याची संख्या जास्त होती.

या घटनेची माहिती समजताच कसारा पोलिस स्टेशनच्या कर्मचाऱ्यांनी घटनास्थळी जाऊन वाहतूक सुरळीत केली. पण पावसाळ्या अगोदर दरड कोसळू नये म्हणून उपाय योजना करणे आवश्यक होते. पण ती बसविली नसल्याने दरड कोसळण्याचा प्रकार पुन्हा झाला. दरड कोसळू नये या साठी येथे संरक्षक जाळी बसवणे आवश्यक असतानाही ती बसवलेली नाही. त्यामुळे मोठा अपघात होण्याची वाट पहिली जात आहे का, असा संतप्त सवाल वाहन चालक करीत आहेत. दुपारी दोन पर्यत दरड पूर्ण हटविली जाईल, असे सांगण्यात आले.

ई सकाळवरील ताज्या बातम्यांसाठी क्लिक करा :

• उद्धव ठाकरे म्हणजे महाराष्ट्राचे 'गजनी'; नीतेश राणेंकडून खिल्ली
• नेताजी सुभाषचंद्र 1947 मध्येही जिवंतच होते: फ्रेंच गुप्तचर अहवाल
• पेट्रोल पंपावरील सशस्त्र दरोड्यात एकाची निर्घृण हत्या
• पुणे: मावळ तालुक्यात दूध संकलनासाठी नामवंत कंपन्यांचा शिरकाव​
• धार्मिक सलोख्यातून सामाजिक, आर्थिक उन्नती घडवावी- वळसे पाटील​
• सोयगावच्या शेतमजुरांचा थाट लय भारी!​
• पनवेल: गाढी नदी पात्रात अडकलेल्या तरुणाची सुटका​
• जुन्नर परिसरात खोळंबलेली भातलावणी जोमाने सुरु​
• अमेरिकेचं एकारलेपण...(श्रीराम पवार)​
• स्वप्रतिमेचे कैदी (डाॅ. केशव साठ्ये)