प्रतोद आमदारांना राज्यमंत्री पदाचा दर्जा

प्रतोद आमदारांना राज्यमंत्री पदाचा दर्जा

मुंबई - विधिमंडळ पक्षाच्या प्रतोदांना राज्यमंत्री पदाचा दर्जा देणारे विधेयक विधानसभा व विधान परिषदेत शुक्रवारी मंजूर झाले.

विधानसभा व विधान परिषदेत एकूण आमदारांच्या दहा टक्के आमदार असलेल्या पक्षाच्या प्रतोदांना राज्यमंत्री पदाचा दर्जा देण्याचा निर्णय यापूर्वी सरकारने घेतला होता. मुख्यमंत्री देवेंद्र फडणवीस यांनी याबाबतचे विधेयक आज विधानसभेत मांडले. ते एकमताने मंजूर करण्यात आले. या विधेयकानुसार भाजप, शिवसेना, कॉंग्रेस व राष्ट्रवादी कॉंग्रेस या पक्षाच्या आठ प्रतोद आमदारांना राज्यमंत्री पदाचा दर्जा लाभला आहे. यामध्ये भाजपचे राज पुरोहित व भाई गिरकर, शिवसेनेते सुनील प्रभू व डॉ. नीलम गोऱ्हे, कॉंग्रेसचे विजय वडेट्टीवार व संजय दत्त, तर "राष्ट्रवादी'चे शशिकांत शिंदे व हेमंत टकले या प्रतोद आमदारांना आता राज्यमंत्री पदाचा दर्जा लाभला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com