हुक्का पार्लरमध्ये तरुणावर हल्ला 

हुक्का पार्लरमध्ये तरुणावर हल्ला 

उल्हासनगर - उल्हासनगरमधील मध्यवर्ती पोलिस ठाण्याच्या हद्दीत राजरोस हुक्का पार्लर चालवणाऱ्याने सहाकाऱ्यांच्या मदतीने तरुणावर प्राणघातक हल्ला केला. शनिवारी (ता. 3) ही घटना घडली. पोलिसांनी या प्रकरणी चौघांना अटक केली. शहरातील कॅम्प क्रमांक तीनमधील शांतीनगर परिसरात स्मशानभूमीजवळ बिट्टू हाउस नावाची इमारत आहे. तेथील दुसऱ्या मजल्यावर हितेश इसराणी हुक्का पार्लर चालवतो. तेथे अल्पवयीन मुले-मुलीही जातात. शनिवारी दुपारी शांतीनगर येथील समीर ठाकूर (वय 17) मित्र असिम खान याच्यासोबत तेथे गेला होता. त्या वेळी हितेशने "इथे कशाला आला', असे विचारून समीरशी वाद घातला. या वेळी त्यांच्यात बाचाबाची झाली. हितेशने सहकारी धीरज पंजाबी, संजय दिवाण, वैभव ऊर्फ गोट्या बागूल यांच्या मदतीने समीरवर बांबूने हल्ला केला. त्यानंतर धारदार चाकूने समीरच्या गळ्यावर आणि पोटावर वार केला. या वेळी असिमलाही मारहाण केल्याने तो किरकोळ जखमी झाला. गंभीर जखमी झालेल्या समीरला मध्यवर्ती रुग्णालयात दाखल करण्यात आले होते. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com