जानकरांवर निवडणूक आयोगाचे ताशेरे

सकाळ न्यूज नेटवर्क
बुधवार, 14 डिसेंबर 2016

मुंबई - वडसा देसाईगंज नगरपालिका निवडणुकीत उमेदवार मोटवानी यांच्या निवडणूक चिन्हासाठी दबाव आणण्याचा आरोप पशू व दुग्धसंवर्धन मंत्री महादेव जानकर यांच्यावर होत असतानाच निवडणूक आयोगाने त्यांच्यावर ठपका ठेवला आहे. जानकर यांनी निवडणूक निर्णयप्रक्रियेत दबाव आणल्याचा प्रयत्न केला असल्याने त्यांच्यावर एफआयआर दाखल करण्याचे पत्र गडचिरोलीच्या जिल्हाधिकाऱ्यांना पाठवण्यात आले आहे.

मुंबई - वडसा देसाईगंज नगरपालिका निवडणुकीत उमेदवार मोटवानी यांच्या निवडणूक चिन्हासाठी दबाव आणण्याचा आरोप पशू व दुग्धसंवर्धन मंत्री महादेव जानकर यांच्यावर होत असतानाच निवडणूक आयोगाने त्यांच्यावर ठपका ठेवला आहे. जानकर यांनी निवडणूक निर्णयप्रक्रियेत दबाव आणल्याचा प्रयत्न केला असल्याने त्यांच्यावर एफआयआर दाखल करण्याचे पत्र गडचिरोलीच्या जिल्हाधिकाऱ्यांना पाठवण्यात आले आहे.

पालिका निवडणुकीत मोटवानी यांना अमूक निवडणूक चिन्ह द्या, अशी मागणी करणे लोकहिताचे कसे, असा प्रश्‍न निवडणूक आयोगाने या संदर्भात सादर केलेल्या अहवालात केला आहे. कॅबिनेट मंत्रिपद सांभाळणाऱ्या एका व्यक्‍तीने असा दबाव आणणे अयोग्य असून त्यांच्या विरोधात गुन्हा दाखल करण्यात का येऊ नये, असा सवालही निवडणूक आयोगाचे प्रमुख ज. स. सहारिया यांनी केला आहे. जानकर यांच्या कथित हस्तक्षेपाबद्दल खुलासा मागवण्यात आला होता. त्यावर जानकर यांच्या खुलाशामुळे आयोगाचे समाधान झालेले नाही. खुलाशात जानकर यांनी म्हटले, की सार्वजनिक कामासाठी मी वडसा देसाईगंज येथे गेलो असताना मोटवानी मला भेटावयास आले. कॉंग्रेस आपल्यावर दबाव आणत असल्याने मला संरक्षण द्यावे. मला त्या पक्षाचा उमेदवार म्हणून निवडणूक लढायची नसून मला अपक्ष म्हणून कपबशी चिन्हावर निवडणूक लढायची असल्याचे त्यांनी मला सांगितले.

कॉंग्रेस पक्ष या संदर्भात माझ्यावर दबाव आणत असल्याने मला संरक्षण द्यावे, अशी विनंती मोटवानी यांनी केली. त्यांचे हे संरक्षण मागणे लोकहिताचे असल्याने मी निवडणूक निर्णय अधिकाऱ्याला तसा दूरध्वनी केल्याचे जानकर यांनी खुलाशात नमूद केले आहे. आपण आचारसंहितेचा भंग केलेला नाही, तर एका इसमास संरक्षण दिले, असेही या पत्रात त्यांनी नमूद केले आहे. या संभाषणाचे रेकॉर्डिंग सार्वजनिकरीत्या दाखवले जाणे दुर्दैवी, हेतुपुरस्सर होते, असेही जानकरांनी नमूद केले आहे. प्रत्यक्षात मोटवानी यांनी कॉंग्रेसकडून अर्ज दाखल केला होता, त्यांची सून या प्रक्रियेत उमेदवार होती. एकदा एका पक्षाकडून अर्ज भरला गेल्यानंतर असा दबाव आणणे योग्य नव्हते, असे आता आयोगाने नमूद केले आहे. कॉंग्रेस नेते राजेश शर्मा यांनी याबद्दल केलेली तक्रार ग्राह्य मानण्यात यावी, असे गडचिरोलीच्या जिल्हाधिकारी आणि निवडणूक निर्णय अधिकारी आयोगाला कळवले होते. त्या आधारावर आयोगाने कारवाई करावी, असे आदेश दिले आहेत.

मुंबई

मुंबई - हायप्रोफाइल दुहेरी हत्याकांडातील आरोपी चिंतन उपाध्यायने कारागृहात "स्वातंत्र्य' या विषयावर चित्र काढले आहे. ते चित्र...

02.48 AM

नवी मुंबई -: मतदार आम्हाला निवडून देतात. तेव्हा त्यांचे श्रद्धास्थान असलेल्या धार्मिक स्थळांवर तुम्ही कशी कारवाई करता, अशा...

02.42 AM

मानखुर्द - गणेशोत्सवासाठी कोकणात जाणाऱ्या मुंबईच्या चाकरमान्यांसाठी एसटी महामंडळाने विविध आगारांतून मोठ्या संख्येने जादा बस...

01.27 AM