मध्य वैतरणा जलाशयात दोन मृतदेह आढळले

dead body
dead body

मोखाडा : मुंबईला पाणी पुरवठा करण्यासाठी मोखाड्यात बांधण्यात आलेल्या मध्य वैतरणा जलाशयात स्त्री व पुरुष जातीचे दोन मृतदेह सडलेल्या अवस्थेत आढळून आल्याने खळबळ उडाली आहे. सहा महिन्यात ही दुसरी घटना घडली आहे. त्यामुळे मध्य वैतरणा परिसरात सुरक्षेचा प्रश्न ऐरणीवर आला आहे. 

मोखाडा पोलिसांनी दिलेल्या माहितीवरून, मध्य वैतरणा धरणातील जलाशयात दोन मृतदेह तरंगत असल्याची खबर मिळाली. तातडीने घटनास्थळी पोलिसांनी धाव घेऊन मृतदेह जलाशयातून बाहेर काढले. साधारणतः 50 ते 55 वयोगटातील स्त्री व पुरुष जातीचे मृतदेह सडलेल्या अवस्थेत आढळून आले आहेत.

दरम्यान, मृतदेहांची अवस्था अतिशय बिकट असल्याने त्याच ठिकाणी शवविच्छेदन करण्यात आले आहे. सहा महिन्यात मध्य वैतरणा जलाशयात मृतदेह आढळून येण्याची ही दुसरी घटना घडली आहे. सदरची घटना ही हत्या आहे की आत्महत्या त्याचा तपास मोखाडा पोलिस ठाण्याचे सहाय्यक पोलिस निरीक्षक प्रकाश सोनवणे करत आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com