यु.के. मधील काही धडाडीच्या उत्साही महाराष्ट्रीयन उद्योजकांनी एकत्र येऊन Overseas Maharashtrian Professionals and Entrepreneurs Group (OMPEG) ही महाराष्ट्रीयन व्यावसायिक व उद्योजकांची संस्था गेल्या वर्षी लंडनमध्ये स्थापन केली. OMPEG या संस्थेचा उद्घाटन सोहळा १० एप्रिल २०१६ रोजी लंडन येथिल सडबरी गोल्फ क्लबवर संपन्न झाला होता.
OMPEG या संस्थेचा पहिला वर्धापनदिन आज (29 एप्रिल) लॉर्डसवर साजरा करण्यात येत आहे. सदर लेखात जाणून घेऊयात प्रतिष्ठित लॉर्डसवर होणाऱ्या OMPEGच्या सोहळ्याबद्दल!
OMPEGच्या सोहळ्यासाठी प्रतिष्ठित लॉर्डसचे स्थळ निश्चित!
जसं मुंबई आणि ताज चे एक अतूट नातं आहे, तसचं काहीसं लंडन आणि लॉर्डस क्रिकेट मैदानाचं आहे. OMPEGच्या पहिल्या वर्धापन सोहळ्यासाठी लॉर्डस हेच सगळ्यात समर्पक स्थळ आहे. माजी क्रिकेटपटू व आर्थिक सल्लागार, श्री मधु गुप्ते मेरिलबोन क्रिकेट क्लबचे सदस्य असल्यामुळे पहिला वर्धापन दिन आणि चर्चासत्रासाठी हे प्रतिष्ठित स्थळ निश्चित करण्यात त्यांचा मोठा हातभार लाभला!
OMPEGची वाटचाल अभिमानास्पद
अस्तित्वापासून एका वर्षाच्या कालावधीत OMPEG शी संबंधित सदस्यांमध्ये आपुलकीची जाणीव आणि एकत्र येऊन खूप काही मिळवावे असा मराठी बाणा दिसून येत आहे. ज्यामुळे अधिकाधिक उद्योजक आणि व्यावसायिक OMPEG मध्ये सहभागी व्हायला पुढे आले आहेत.
OMPEGचा मुख्य उद्देश
OMPEG या संस्थेचे प्रमुख उद्देश हे युकेमधील हजारोने पसरलेल्या महाराष्ट्रीयन व्यवसायिक व उद्योजकांना एकत्र आणून नवीन संधी व प्रोत्साहन उपलब्ध करुन देणे तसेच तरुण उद्योजकांना मार्गदर्शनाच्या संधी उपलब्ध करुन देणे हा आहे.
कार्यक्रमाची जय्यत तयारी!
OMPEGच्या संस्थापक सदस्यांबरोबर, इतर सदस्यांनी पहिल्या वर्धापन दिनाच्या सोहळ्याच्या संयोजन, संकल्पना आणि आयोजनास मदत केली. लोकांमधील सुसूत्रता, सर्जनशीलता, समारंभ व्यवस्थापन यामधील तज्ञ स्वयंसेवकांचे अचूक मिश्रण होते. हा कार्यक्रम यशस्वीरित्या संपन्न होण्यासाठी कलाकार मंडळी गेले दोन महिने अविरत परिश्रम करत आहेत.
सर्वात महत्त्वाचा घटक होता तो प्रयोजकांचा जी त्यांनी सढळपणाने मदत केली.
प्लॅटिनम
गोल्ड
सिल्व्हर
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.