नगर जिल्ह्यात 68 टक्के मतदान 

नगर जिल्ह्यात 68 टक्के मतदान 

नगर - जिल्हा परिषद-पंचायत समिती निवडणुकीत आज जिल्ह्यात सरासरी 68 टक्के मतदान झाल्याचा प्राथमिक अंदाज निवडणूक विभागाने व्यक्त केला. मतमोजणी 23 फेब्रुवारी रोजी तालुकानिहाय होणार आहे. दरम्यान, बनावट दारूमुळे सात जणांचा मृत्यू झालेल्या पांगरमल (ता. नगर) येथील ग्रामस्थांनी आज मतदानावर बहिष्कार टाकला होता. गावातील मतदान केंद्रावर दिवसभर शुकशुकाट होता. 

जिल्ह्यातील 72 गट व 144 गणांमध्ये अनुक्रमे 305 व 541 उमेदवारांचे भवितव्य मतदानयंत्रात बंद झाले. जिल्ह्यात एक-दोन अपवाद वगळता शांततेत मतदान झाले. दहा ठिकाणी मतदान यंत्रे बदलण्याची वेळ आली. मांडवगण व काष्टी (ता. श्रीगोंदे) येथील मतदान केंद्रे ताब्यात घेतल्याची अफवा सकाळी पसरली होती. 

पाथर्डी तालुक्‍यात कोल्हार येथील मतदान केंद्रावर पंचायत समिती सभापती मतदान करत असतानाच एका तरुणाने त्यांच्यासमोरील यंत्राचे बटन दाबून पळ काढला. पाठलाग करूनही तो सापडला नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com