अतिरिक्त शिक्षकांना मूळ शाळेतूनच पगार

सकाळ वृत्तसेवा
सोमवार, 13 मार्च 2017

सोळांकूर - जिल्ह्यातील अतिरिक्त शिक्षकांचे समायोजन होईपर्यंत त्या कर्मचाऱ्यांचा पगार मूळ शाळेतूनच काढण्यात येईल, असे आश्‍वासन शिक्षण उपसंचालक एम. के. गोंधळी यांनी जिल्हा शैक्षणिक व्यासपीठच्या शिष्टमंडळाला दिले. जिल्हा शिक्षण उपसंचालक कार्यालयात शैक्षणिक व्यासपीठाचे पदाधिकारी आणि शिक्षण उपसंचालक यांची संयुक्त बैठक झाली. शिष्टमंडळाचे नेतृत्व ज्येष्ठ शिक्षणतज्ज्ञ डी. बी. पाटील, सभाध्यक्ष एस. डी. लाड, संघाचे चेअरमन व्ही. जी. पोवार, सचिव आर. वाय. पाटील, संस्थाचालक संघाचे प्रा. जयंत आसगावकर यांनी केले.

सोळांकूर - जिल्ह्यातील अतिरिक्त शिक्षकांचे समायोजन होईपर्यंत त्या कर्मचाऱ्यांचा पगार मूळ शाळेतूनच काढण्यात येईल, असे आश्‍वासन शिक्षण उपसंचालक एम. के. गोंधळी यांनी जिल्हा शैक्षणिक व्यासपीठच्या शिष्टमंडळाला दिले. जिल्हा शिक्षण उपसंचालक कार्यालयात शैक्षणिक व्यासपीठाचे पदाधिकारी आणि शिक्षण उपसंचालक यांची संयुक्त बैठक झाली. शिष्टमंडळाचे नेतृत्व ज्येष्ठ शिक्षणतज्ज्ञ डी. बी. पाटील, सभाध्यक्ष एस. डी. लाड, संघाचे चेअरमन व्ही. जी. पोवार, सचिव आर. वाय. पाटील, संस्थाचालक संघाचे प्रा. जयंत आसगावकर यांनी केले.

सभेत जिल्ह्यातील अर्धवेळ शिक्षकांची संचमान्यता करून त्यांचे वेतन आदा करावे, प्रलंबित मुख्याध्यापक पदांना त्वरित मान्यता द्यावी, तसेच लक्षतीर्थ वसाहतीतील महात्मा फुले हायस्कूलमधील दोन शिक्षकांना मुख्याध्यापिका व संस्थाचालक जाणीवपूर्वक त्रास देत असून त्यांचा मानसिक छळ करत असल्याने तसेच शाळेचे कामकाज नियमबाह्य होत असल्याने या शाळेवर प्रशासक नेमावा, अशी जोरदार मागणी शिष्टमंडळाने केली. शिक्षण उपसंचालक श्री. गोंधळी यांनी योग्य ते आदेश शिक्षणाधिकाऱ्यांना दिले जातील, असे आश्‍वासन शिष्टमंडळाला दिले.

सभेस प्रभारी माध्यमिक शिक्षणाधिकारी टी. एल. मोळे, शिक्षण निरीक्षक डी. एस. पोवार, माध्यमिक वेतन पथकाचे अधीक्षक शंकरराव माने, माध्यमिक शिक्षक संघटनांचे एस. जी. तोडकर, बी. डी. पाटील कनिष्ठ महाविद्यालय संघाचे प्रा. सी. एम. गायकवाड, शारीरिक शिक्षक संघाचे प्राचार्य आर. डी. पाटील, प्राचार्य प्रभाकर हेरवाडे, कायम विनाअनुदानित शाळा संघटनेचे खंडेराव जगदाळे, मुख्याध्यापक संघाचे माजी चेअरमन के. बी. पोवार, संघाचे उपाध्यक्ष डॉ. ए. एम. पाटील, जॉ. सेक्रेटरी डी. एस. घुगरे, बी. जी. बोराडे, एस. के. पाटील, जे. एम. पोवार, आर. एम. तोरस्कर आदी उपस्थित होते.