उड्डाणपुलांवर घोंगावतोय मृत्यू

भुईंज - येथील उड्डाणपुलाखाली पडलेले मातीचे ढीग व अस्ताव्यस्त वाहने वाहतुकीस अडथळा ठरून अपघातास निमंत्रण देत आहेत.
भुईंज - येथील उड्डाणपुलाखाली पडलेले मातीचे ढीग व अस्ताव्यस्त वाहने वाहतुकीस अडथळा ठरून अपघातास निमंत्रण देत आहेत.

भुईंज - पुणे-बंगळूर राष्ट्रीय महामार्ग आता नव्याने आशियाई मार्ग म्हणून ओळखला जात असला तरी महामार्ग आशियाई आणि काम गल्लीतलं अशी तऱ्हा भुईंज, पाचवड येथील उड्डाणपुलांची झाली आहे. चौपदरीकरणातील चुकांचे अनुकरण करीत सहापदरीकरणाचे काम अर्धवट राहिल्याने तसेच सातत्याने पडणाऱ्या भगदाडांमुळे या ठिकाणी क्षणाक्षणाला मृत्यू डोक्‍यावर घोंगावत आहे.

भुईंज-पाचवड फाट्यावर दिवसातून किमान एक-दोन लहान-मोठे अपघात घडतात. आतापर्यंत झालेल्या अपघातांत अनेकांनी जीव गमावला आहे. हे संकट टाळण्यासाठी महामार्ग प्राधिकरण अथवा संबधित ठेकेदार कंपनीला गांभीर्य दिसत नाही. भुईंज-पाचवड गावचे प्रवेशव्दार असलेले हे उड्डाणपूल अस्ताव्यस्त वाहतुकीमुळे नेहमीच अपघाताला निमंत्रण देत असतात. त्यातच या उड्डाणपुलाखाली असणारे मातीचे सिंमेटचे मोठे ढीग व त्यातच उभी असलेली खासगी वाहने अपघाताला निमंत्रण देतात. महामार्गाच्या सहापदरीकरणाचे काम सुरू झाल्यापासून पाचवड व भुईंज येथील उड्डाणपुलांना भगदाड पडण्याची मालिकाच सुरू झाली आहे. सुरवातीला पडलेले 
भगदाड एक वर्षानंतर मुजविण्यात आले. वाहतूक सुरळीत झाली की दर दोन, तीन महिन्यांतून येथे भगदाड पडत असून त्यातील स्टीलही बाहेर आलेले दिसते. भगदाड पडण्याची मालिका सुरू असतानाच या उड्डाणपुलांच्या 
एकंदरीत बांधकामाच्या दर्जाबाबत प्रश्नचिन्ह निर्माण झाले आहे. त्यामुळे पुलाखालून जाताना आता प्रवांशाबरोबर स्थानिक नागरिकांनाही भीती वाटू लागली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com