थंडी वाढल्याने वातावरण आल्हाददायक

सकाळ वृत्तसेवा
गुरुवार, 22 डिसेंबर 2016

सिटिझन जर्नालिस्ट बनू या
'ई सकाळ'च्या नव्या रचनेत वाचकांच्या मतांना, विचारांना सर्वोच्च प्राधान्य आहे. 
आपण ई सकाळमध्ये सहभागी होऊ शकताः

  • 'सकाळ संवाद'द्वारेः अॅन्ड्रॉईड अॅप डाऊनलोड करा आणि पाठवा बातम्या, लेख, फोटो, व्हिडिओ आणि ऑडिओ. 
  • ई मेलद्वारेः आपले सविस्तर मत ई मेल करा webeditor@esakal.com आणि Subject मध्ये लिहाः CitizenJournalist
  • प्रतिक्रियांद्वारेः व्यक्त व्हा बातम्यांवर, प्रतिक्रियांवर

आर्द्रता कमी, ढगांचे तुरळक पुंजके, वाऱ्याचा वेगही मध्यम
कोल्हापूर - चार ते पाच दिवस "ऑक्‍टोबर हिट'प्रमाणे जाणवणारा उकाडा दोन दिवसांत पुन्हा सुरू झालेल्या थंडीमुळे कमी झाला. यामुळे शहर परिसरातील वातावरण आल्हाददायक बनले. दुपारी चारनंतर पश्‍चिम घाटमाथ्यांवरून बाष्प घेऊन येणारे वारे हवेत गारठा निर्माण करत आहे. थंडीचा प्रभाव मध्यरात्री वाढून तो सकाळी 11 पर्यंत जाणवत आहे. दुपारी 28 ते 31 डिग्री सेल्सिअसपर्यंत तापमान स्थिर राहत आहे. आज मध्यरात्री 11 डिग्री सेल्सिअसपर्यंत तापमान उतरले. दिवसा तापमान 28 डिग्री सेल्सिअसपर्यंत राहिले. ढगांची घनता 13 टक्केपर्यंत तर वाऱ्याचा वेग पाच किलोमीटर प्रति तास होता.

कदमवाडी, भोसलेवाडी, कसबा बावडा, रमणमळा, न्यू पॅलेस परिसर, जुना बुधवार पेठ, गंगावेस, फुलेवाडी, रंकाळा परिसर, उपनगरात पहाटे धुके होते. यामुळे चार दिवसांत वातावरणातील दृश्‍यतेचे प्रमाण हे 16 किलोमीटर इतके राहिले. परिसरात पंचगंगा नदी, रंकाळा तलावामुळे थंडीचा प्रभाव सकाळी नऊ ते दहापर्यंत राहत आहे. शहराभोवती पिकांसाठी होणाऱ्या सिंचनामुळे रात्री थंडीचा जोर वाढतो. यामुळे सकाळी फिरण्यास जाणारे नागरिक कानटोपी, हातमोजे, पायमोजे, स्वेटर्स घालून बाहेर पडत आहेत.
इंटरपॅनेल गव्हर्न्मेंट ऑन क्‍लायमेट चेंजमधील अहवालाने भारतातील हिवाळा 2036 पर्यंत उष्ण रअसेल, असा अंदाज व्यक्त केला आहे. गतवर्षी हा अंदाज खरा ठरला. कमी पाऊस होण्याबरोबर थंडी उशिरा सुरू झाली. फेब्रुवारीच्या पहिल्या आठवड्यातच थंडी गायबही झाली. परिणामी आंब्यांना मोहोर, विविध वृक्षांवरील फुलोरा उशिरा आला. यावर्षी मात्र ही परिस्थिती नाही. गेल्या चार दिवसांचा कालावधी सोडला तर दिवाळीनंतर थंडीचे प्रमाण चांगले राहिले. तसेच परिसरातील न्यू पॅलेस, कळंबा आदी तलाव तुडुंब भरलेले असल्यामुळे हिवाळ्यात येणाऱ्या स्थलांतरित पक्ष्यांच्या संख्येतही वाढ झाली आहे. भरपूर थंडी, अन्नाच्या मुबलकतेमुळे पक्ष्यांचा अधिवास यावर्षी वाढू शकतो, असे मत पक्षीनिरीक्षकांनी व्यक्त केले.

आंब्यांना भरपूर मोहोर
यंदा थंडी लवकर सुरू झाल्यामुळे आंब्यांना भरपूर मोहोर आला आहे. आकाशही फारसे ढगाळ आणि वातावरण कुंद नसल्यामुळे मोहोरोला अनुकूल वातावरण आहे. थंडीमुळे काळा वाटाणा, हरभरा, पालेभाज्या, फळभाज्यांना अनुकूल वातावरण आहे. थंडीची ही लाट जानेवारी, फेब्रुवारीपर्यंत अशीच राहिली तर द्विदल धान्यवर्गीय पीक उत्पादन चांगले वाढेल, असा अंदाज तज्ज्ञांनी व्यक्त केला आहे.

पश्चिम महाराष्ट्र

काशीळ - येथील डॉ. सिकंदर आदम शेख आणि शाहूपुरी (सातारा) येथील डॉ. अशोक गुंडू पाटील हे दोघे पुन्हा एकदा गर्भलिंग निदान...

03.48 AM

मिरज - मिरज-सांगली रस्त्याच्या सहा पदरीकरणात बळी पडलेल्या काही वटवृक्षांना नवजीवन देण्याची धडपड वृक्षप्रेमींनी सुरू ठेवली...

03.21 AM

सातारा - शिवसेना कार्याध्यक्ष उद्धव ठाकरे यांनी आमदार शंभूराज देसाई यांच्यावर आतापर्यंत टाकलेल्या सर्व जबाबदाऱ्या चांगल्या...

03.18 AM