सज्जनगडावर दासनवमी उत्सवास प्रारंभ 

सकाळ वृत्तसेवा
मंगळवार, 14 फेब्रुवारी 2017

सातारा - काकड आरती, अभिषेक, पूजा याबरोबरच सुरात म्हटलेल्या श्‍लोकोच्चारात समाधी मंदिराला तालबद्धपणे घालण्यात येत असलेल्या अकरा मंदिर प्रदक्षिणा आणि प्रभू रामचंद्र आणि समर्थांच्या घोषात सज्जनगडावर दासनवमी उत्सवास उत्साहात प्रारंभ झाला. 

सातारा - काकड आरती, अभिषेक, पूजा याबरोबरच सुरात म्हटलेल्या श्‍लोकोच्चारात समाधी मंदिराला तालबद्धपणे घालण्यात येत असलेल्या अकरा मंदिर प्रदक्षिणा आणि प्रभू रामचंद्र आणि समर्थांच्या घोषात सज्जनगडावर दासनवमी उत्सवास उत्साहात प्रारंभ झाला. 

सज्जनगड येथे या उत्सवासाठी भाविकांची गर्दी होऊ लागली आहे. दासनवमी उत्सवानिमित्त सज्जनगडावर श्री रामदास स्वामी संस्थान आणि समर्थ सेवा मंडळाच्या वतीने विविध कार्यक्रमांचे आयोजन करण्यात आले आहे. पहाटेपासून या कार्यक्रमांना सुरवात होते. संस्थानच्या वतीने समाधी पूजनानंतर श्रीराम मंदिराच्या सभागृहात संस्थानचे अध्यक्ष अभिराम स्वामी यांच्या प्रवचनाने उत्सवातील कार्यक्रमांना नुकताच प्रारंभ झाला. हे कार्यक्रम आता दासनवमीपर्यंत (ता. 20) सुरू राहणार आहेत. गडावर संस्थान आणि समर्थ सेवा मंडळाच्या वतीने आयोजित भजन, कीर्तनाबरोबर नामवंत गायकांच्या शास्त्रोक्‍त गायनाला भाविकांचा प्रतिसाद मिळत आहे. 

दरम्यान, दासनवमी दिवशी राज्याच्या विविध भागांतील भाविक मोठ्या संख्येने गडावर येतात. हे लक्षात घेऊन संस्थानतर्फे विविध उपाययोजना करण्यात आल्या आहेत. सर्व गडावर, तसेच गडाच्या पायऱ्यांची नुकतीच स्वच्छता करण्यात आली असल्याची माहिती अभिराम स्वामी यांनी दिली. भाविकांच्या पिण्याच्या पाण्याची व्यवस्थाही पुरेशी करण्यात आली आहे, तसेच राज्य परिवहन विभागाच्या वतीने जादा गाड्याचेही नियोजन केले आहे. 

दरम्यान, गडावर जाण्यासाठी असलेल्या रस्त्याची नुकतीच डागडुजी करण्यात आली आहे. मात्र संपूर्ण रस्ताच नव्याने करण्याची गरज निर्माण झाली आहे.

टॅग्स

पश्चिम महाराष्ट्र

कोल्हापूर: सरकारी कार्यालयातील लाचखोरी रोखण्यासाठी लाचलुचपत प्रतिबंधक विभागाने आता कडक पावले उचलली आहेत. लाच मागणाऱ्या अधिकारी,...

06.06 PM

उंब्रज (कऱ्हाड, जि. सातारा) : गावठी कट्टा विकण्याच्या उद्देशाने आलेल्या एकास पोलिसांनी आज (मंगळवार) अटक केली. येथील इंदोली...

03.42 PM

बेळगाव : महाराष्ट्र-कर्नाटक सीमाप्रश्‍न सोडवणुकीसाठी आपण मुख्यमंत्र्यांची चर्चा करणार असून मुख्यमंत्री आणि महाराष्ट्राचे...

02.48 PM