मराठा समाजाने शिष्यवृत्ती फंड उभारावा

सकाळ वृत्तसेवा
मंगळवार, 8 मे 2018

कोल्हापूर - मराठा विद्यार्थ्यांच्या उच्च शिक्षणासाठी मराठा समाजाने शिष्यवृत्ती फंड उभारावा. राजर्षी शाहू विकास कला व रिसर्च सेंटर (सारथी) या संस्थेचे उपमुख्य कार्यालय कोल्हापुरात व्हावे, असे दहा ठराव आज झालेल्या मराठा प्रतिनिधी परिषदेत मंजूर झाले.

कोल्हापूर - मराठा विद्यार्थ्यांच्या उच्च शिक्षणासाठी मराठा समाजाने शिष्यवृत्ती फंड उभारावा. राजर्षी शाहू विकास कला व रिसर्च सेंटर (सारथी) या संस्थेचे उपमुख्य कार्यालय कोल्हापुरात व्हावे, असे दहा ठराव आज झालेल्या मराठा प्रतिनिधी परिषदेत मंजूर झाले.

राजर्षी शाहू स्मारक भवनात मराठा महासंघ, मराठा स्वराज्य भवन ट्रस्टतर्फे परिषद झाली. महासंघाचे राष्ट्रीय सरचिटणीस राजेंद्र कोंढरे यांच्या प्रमुख उपस्थितीत सर्वानुमते ठराव मंजूर झाले. शिरीष जाधव यांनी ठरावाचे वाचन केले. शैलजा भोसले यांनी आभार मानले.

मंजूर झालेले अन्य ठराव असे...

  •     (कै.) अण्णासाहेब पाटील आर्थिक मागास विकास महामंडळाच्या स्वयंरोजगार कर्ज योजनेत सुलभता आणावी. 
  •     कु-कुणबी याप्रमाणे कुळवाडी, कुरवाडी, कु. वा. आदी नोंदी असणाऱ्यांनाही कुणबी दाखले मिळण्यासाठी शासनाने नवीन सुधारित आदेश पारित करावेत.
  •     समाजातील सुशिक्षित मान्यवर व्यक्तींनी मराठा कुटुंबांना मार्गदर्शकाची भूमिका बजवावी.
  •     समाजाने सामुदायिक विवाह सोहळ्यांचा पुरस्कार करावा.
  •     समाजातील निवृत्त कर्मचारी-अधिकारी, अभियंते, संशोधक, उद्योजकांनी अनुभवाचा फायदा समाजातील गरजूंना द्यावा.
  •     समाजातील श्रीमंतांनी विविध उद्योग-व्यवसायांत गुंतवणूक करून रोजगारनिर्मिती करावी.
  •     सोशल मीडियाचा वापर सकारात्मक कामासाठी करावा.
  •     समाजाने कालानुरूप बदल स्वीकारून अग्रेसर राहावे.
Web Title: Kolhapur News Maratha Pratinidhi parishad