गिजवणेत विद्यार्थिनीची आत्महत्या

सकाळ वृत्तसेवा
मंगळवार, 6 मार्च 2018

गडहिंग्लज -  गिजवणे (ता. गडहिंग्लज) येथील एका तरुणीने विहिरीत उडी घेऊन आत्महत्या केली. सोनाली आणाप्पा कापसे (वय १८) असे तिचे नाव आहे. ती चार दिवसांपासून बेपत्ता होती. आज सायंकाळी एका विहिरीत तिचा मृतदेह सापडला. सोनाली गडहिंग्लजमधील एका महाविद्यालयात बारावीत शिकत होती. तिने तीन पेपरही दिले होते. 

गडहिंग्लज -  गिजवणे (ता. गडहिंग्लज) येथील एका तरुणीने विहिरीत उडी घेऊन आत्महत्या केली. सोनाली आणाप्पा कापसे (वय १८) असे तिचे नाव आहे. ती चार दिवसांपासून बेपत्ता होती. आज सायंकाळी एका विहिरीत तिचा मृतदेह सापडला. सोनाली गडहिंग्लजमधील एका महाविद्यालयात बारावीत शिकत होती. तिने तीन पेपरही दिले होते. 

१ मार्चला होळी साजरी करून सोनाली घरी गेली. त्यानंतर रात्री दहाच्या सुमारास ती घरातून निघून गेली. ती लवकर घरी न आल्याने तिचा शोध घेण्यास सुरुवात झाली. परंतु ती आढळली नाही. दरम्यान, रविवारी (ता. ४) सोनाली बेपत्ता झाल्याची फिर्याद दिली. सायंकाळी रमेश पाटील यांच्या परसातील विहिरीजवळ त्यांच्याच घरातील मुले खेळत होती. पाण्यात कासव असल्याने ते पाहण्यासाठी मुले विहिरीकडे गेली, त्यावेळी त्यांना मृतदेह तरंगताना दिसला. त्याची कल्पना या मुलांनी श्री. पाटील यांच्या घरात दिली. या घटनेची बातमी गावात पसरताच विहिरीजवळ गर्दी झाली. मृतदेह बाहेर काढल्यानंतर तो सोनालीचाच असल्याचे स्पष्ट झाले. आई, वडील, भाऊ असा परिवार आहे. हवालदार श्री. नांगरे पुढील तपास करीत आहेत.

Web Title: Kolhapur News student suicide incident in Gijavane

टॅग्स