निकृष्ट बियाण्यांमुळे ढवळपुरी येथील शेतकऱ्याचे सहा लाखांचे नुकसान

दत्ता झगडे
शनिवार, 26 ऑगस्ट 2017

पारनेर : शेतात वेगळा प्रयोग करुन चांगले उत्पन्न मिळविण्याच्या हेतूने ढवळपुरी (ता. पारनेर) येथील शिवाजी चौधरी या शेतकऱ्याने स्वीट कॉर्नचे पीक घेतले. मात्र बियाणे निकृष्ट दर्जाचे निघाल्यामुळे त्या शेतकऱ्याला तब्बल सहा लाखांचे नुकसान झाले.

शेतकऱ्याने बियाणे कंपनीच्या विरोधात ग्राहक मंचाकडे तक्रार करणार असल्याचे सांगितले.

ढवळपुरी येथील प्रगतशील शेतकरी शिवाजी चौधरी यांनी नगर येथून एका कंपनीचे मका शुगर ७५ या जातीचे पाच किलो बियाणे घेतले. १२ जूनला शेतीची योग्य मशागत करुन सरी पध्दतीने मक्याची लागवड केली. मात्र मकेला पांगारी फुटवे फुटले.

पारनेर : शेतात वेगळा प्रयोग करुन चांगले उत्पन्न मिळविण्याच्या हेतूने ढवळपुरी (ता. पारनेर) येथील शिवाजी चौधरी या शेतकऱ्याने स्वीट कॉर्नचे पीक घेतले. मात्र बियाणे निकृष्ट दर्जाचे निघाल्यामुळे त्या शेतकऱ्याला तब्बल सहा लाखांचे नुकसान झाले.

शेतकऱ्याने बियाणे कंपनीच्या विरोधात ग्राहक मंचाकडे तक्रार करणार असल्याचे सांगितले.

ढवळपुरी येथील प्रगतशील शेतकरी शिवाजी चौधरी यांनी नगर येथून एका कंपनीचे मका शुगर ७५ या जातीचे पाच किलो बियाणे घेतले. १२ जूनला शेतीची योग्य मशागत करुन सरी पध्दतीने मक्याची लागवड केली. मात्र मकेला पांगारी फुटवे फुटले.

चौधरी यांनी याबाबत कंपनीच्या अधिकाऱ्याकडे तक्रार केली. मात्र कंपनीच्या प्रतिनिधीने ते फुटवे खोडण्यास शेतकऱ्याला सुचविले. त्यानंतरही फुटवे येतच राहिले. जेव्हा मकेला कणसे यायला लागली, तेव्हा एका कणसाला दोन-दोन कणसे फुटली. शेतकऱ्याने या बाबत पुन्हा कंपनीकडे तक्रार केली असता त्यांना उडवाउडवीची उत्तरे देण्यात आली.

त्यानंतर चौधरी यांनी जिल्हा कृषी अधिकाऱ्यांकडे लेखी तक्रार केली. त्या तक्रारीनंतर ८ ऑगस्ट रोजी उपविभागीय कृषी अधिकारी सुधाकर बोराळे, सहाय्यक मका पैदासकर डॉ. जी. सी. शिंदे, तालुका कृषी अधिकारी रामदास दरेकर कंपनीचे प्रतिनिधी विकास मोराळे यांच्या तालुका बियाणे तक्रार निवारण समितीने पिकाची पाहणी केली.

या पाहणीत समितीने ४१ टक्के मकेला पांगारी फुटवे फुटल्याचे तर ३२ टक्के झाडांना एकाच ठिकाणी दोन ते तीन कणसे निघाल्याचे सांगितले. त्याचा कणसाच्या गुणवत्तेवर विपरीत परिणाम झाल्याचा अहवाल दिला आहे.

Web Title: marathi news marathi websites Agriculture news Nagar News