कऱ्हाड येथील दरोड्यात महिलेचा खून

उंब्रज (ता. कऱ्हाड, जि. सातारा) - येथील बाजारपेठत एका बंगल्यात पडलेल्या दरोड्यात महिलेचा खून झाला आहे. चोरी करताना संबधित महिला जागी झाल्याने दरोडेखोरांनी तिच्या तोंडावर उशी दाबून खून केला. जैनुबी करीम मुल्ला (वय 86) असे संबधित महिलेचे नाव आहे. या दरोड्यात सुमारे पन्नास तोळे सोने चोरट्यांनी लंपास केले आहे. 

मुल्ला यांच्या बंगल्याशिवाय आणखी चार ठिकाणी चोरट्यांनी चोरीचा प्रयत्न केला. मध्यरात्री दिडच्या सुमारास ही घटना घडली. या दरोड्यामुळे खळबळ उडाली आहे. घटनेची माहिती मिळताच पोलिस अधिक्षक संदीप पाटील, पोलिस उपअधिक्षक नवनाथ ढवळे घटनास्थळी दाखल झाले. या चोरीसाठी दरोडेखोरांनी मोठा टेम्पो वापरला होता. परिसरातील एका घरात हात सफाई करून ते दिड ते दोन गुंठ्यापेक्षा जास्त जागेत असलेल्या दुसऱ्या बंगल्यात दरोडेखोर मागील बाजूने शिरले. तेथे चोरी करत असताना संबधित महिला जागी झाली. त्यांनी तिच्या तोंडावर उशी दाबून तिचा खून केला. तेथे चोरी करून चोरटे तिसऱ्या बंगल्यात गेले. 

मात्र तेथे त्या घरात जागी झालेल्या मुलीने दंगा केल्याने चोरटे तेथून पसार झाले. तेथून पुढे पांडूरंग व कुंभार यांच्याही घरातील ऐवज चोरट्याने लंपास केला. ते परगावी असल्याने तेथील चोरी झालेली रक्कम अद्याप समजू शकलेली नाही. अन्य दोन ठिकाणीही त्याच टोळीने चोरीचा प्रयत्न केला. मात्र ते यशस्वी झाले नाहीत. रात्री घटनास्थळी पोलिस त्वरीत दाखल झाले होते. सकाळी ठसे तज्ञ व श्वान पथकास बोलवण्यात आले. त्यांच्याकडून तपास सुरू होता.

'ई सकाळ'वरील इतर महत्त्वाच्या बातम्या : 

• मुख्यमंत्री फडणवीस अन् अजित पवार सोबत प्रवास करतात तेव्हा...
• पोशिंद्याचा एल्गार (अग्रलेख)  
• 'ही' खबरदारी घेतली असती तर आठ जीव वाचले असते...
• सुवर्णसौधवर ‘लाख मराठा’
• शिवसेनेपुढे भाजपचे नमते
• मराठा आरक्षणासाठी 29 नोव्हेंबरला बैठक
• रेशन दुकानातून तूरडाळ स्वस्तात 
• कर्जामुळे कुटुंब संपविण्याचा शेतकऱ्याचा प्रयत्न
• सराईत गुंडाचा आकुर्डीत खून