सोलापूर-तुळजापूर रस्त्यावर अपघात; पोलिसासह 5 ठार

सकाळ वृत्तसेवा
मंगळवार, 27 फेब्रुवारी 2018

औरंगाबाद येथे मुस्लिम बांधवांचा इज्तेमा सोहळा होता. सोमवारी इज्तेमा सोहळ्याचा समारोप झाला. कर्नाटक व सोलापूर येथील मुस्लिम बांधव आपल्या गावी परत येत होते. रस्त्याच्या कडेला प्राथ:विधीसाठी मुस्लिम बांधवांच्या वाहनाला मागून आलेल्या मुस्लिम बांधवांचे वाहन धडकले.

सोलापूर : सोलापूर- तुळजापुर रस्त्यावरील शीतल ढाब्याजवळ अपघातात ५ जण जागीच ठार झाले आहेत. तर सात जण जखमी झाले आहेत. हा अपघात मंगळवारी पहाटे साडेपाचच्या सुमारास झाला. औरंगाबाद येथील इज्तेमा संपवून परत येताना ही दुर्घटना झाली. मृतामध्ये महामूद पाटील या पोलिस कर्मचाऱ्याचा समावेश आहे.

औरंगाबाद येथे मुस्लिम बांधवांचा इज्तेमा सोहळा होता. सोमवारी इज्तेमा सोहळ्याचा समारोप झाला. कर्नाटक व सोलापूर येथील मुस्लिम बांधव आपल्या गावी परत येत होते. रस्त्याच्या कडेला प्राथ:विधीसाठी मुस्लिम बांधवांच्या वाहनाला मागून आलेल्या मुस्लिम बांधवांचे वाहन धडकले. चालकाचे नियंत्रण सुटल्यामुळे वाहन उलटले. थांबलेल्या वाहनातील ३ तर मागून धडक दिलेल्या वाहनातील २ जणांचा मृत्यू झाला. सात जण जखमी आहेत. जखमींना उपचारासाठी सोलापूरच्या शासकीय रुग्णालयात दाखल करण्यात आले आहे.

पोलिस अधीक्षक वीरेश प्रभू यांच्यासह वरिष्ठ अधिकाऱ्यांनी घटनास्थळी भेट देउन पाहणी केली.

Web Title: Marathi news Solapur news 5 dead in accident