'भगवान हमारा रक्षण करता है... वो ही हमको तारेगा'

सुपे (नगर): 'भगवान हमारा रक्षण करता है, ऊसने ही हमे जनम दिया, वो ही हमको तारेगा. आप हमारे बच्चोंको सुई मत दो,' बच्चे बिमार गीरते असे म्हणत सरकारी आरोग्य अधिका-यांना दाद न देणा-या पालात रहाणा-या सुमारे दीडशेहून अधिक लोकसंख्या असलेल्या भटक्या समाजाच्या 30 मुलांना आज विविध प्रकारचे लसीकरण गावातील विविध मान्यरांच्या सहकार्याने रूईछत्रपती प्राथमिक आरोग्य केंद्राच्या अधिका-यांना य़श आले.

सुपे-वाळवणे रस्त्यावर सुमारे दीडशेहून अधिक लोकसंख्या असणा-या भटक्या समाज्याच्या मुलांना विशेष इंद्रधनुष्य मोहिमेअंतर्गत लसीकरण करण्यात आले. गेली अनेक दिवसापासून आरोग्य अधिकारी डॉ. संदीप चोपडे, डॉ. प्रशांत वाघ व इतर कर्मचारी माळराणावर पालात रहाणा-या या भटक्या समाजाच्या लोकांना मुलांना लसीकरणाची गरज आहे, असे समजाऊन सांगत असत. मात्र ही मंडळी ऐकत नसत. लसीकरण केल्या नंतर सुई टोचलेल्या ठिकाणी गाठ येतो, मुलांना ताप येतो, आमची मुले आजारी पडतात अशी कारणे सांगत व लसीकरणास ही मंडळी सतत विरोधकरत असत.

यावर तोडगा म्हणून डॉ. चोपडे व जिल्हा आरोग्य अधिकारी डॉ. दादासाहेब साळुंके यांनी गावातील ऊपसभापती दीपक पवार, हनिफ शेख, शकिल शेख या पालातील मुखीया निजाभाई सय्यद, युनुस सय्यद तसेच पोलिस निरीक्षक राजेंद्र पाटील, पोलिस खंडेराव शिंदे, शबाना तांबोळी, आरोग्यकर्मंचारी जे.एन. देवतरसे, यु.पी. ठोंबरे युपी, ए. एम. काळपुंड आदींच्या सहकार्याने त्यांना लसीकरणाचे महत्व समजावून सांगीतले व शेवटी या मोहीमेस यश आले. लसीकरमाची ही मोहीम यशस्वी झाली या वेळी 30 मुलांचे व पाच गरोधर मातांचे लसीकरण करण्यात आले.