शेतात पाच तास लपून पकडले वाळूचे पाच डंपर

शेतात पाच तास लपून पकडले वाळूचे पाच डंपर
राहुरी - तालुक्‍यातील आरडगाव येथे मुळा नदीतून बेकायदा वाळूउपसा करणारी पाच वाहने तहसीलदार अनिल दौंडे यांनी आज पहाटे पकडली. ही कारवाई करण्यापूर्वी पाच तास ते उसाच्या शेतात थांबले होते. तालुक्‍याच्या पूर्व भागातील तांदूळवाडी, कोंढवड, शिलेगाव, आरडगाव परिसरात मुळा नदीतून वाळूचा बेसुमार उपसा होत आहे. कारवाई करण्यासाठी तलाठी एस. ए. पाडळकर व अन्य कर्मचाऱ्यांना सोबत घेत दौंडे दुचाकीवरून केंदळ बुद्रुक येथील पुलापासून नदीपात्रात रात्री अकरा वाजता पोचले. तेथून शिलेगाव-आरडगाव नदीपात्रालगत असलेल्या उसाच्या शेतात लपून बसले. शेतात सुमारे पाच तास थांबल्यानंतर ते पहाटे साडेचारच्या सुमारास नदीत उतरले. त्याच वेळी वाळू भरण्यासाठी आलेले पाच डंपर दौंडे व त्यांच्या सहकाऱ्यांनी ताब्यात घेतले. यादरम्यान वाळूचोर व मजुरांनी धूम ठोकली. दौंडे यांनी महिन्यापूर्वीच तांदूळवाडी व कोंढवडदरम्यान अशीच कारवाई केली होती. त्या वेळी ते नदीपात्रातील खड्ड्यांमध्ये तीन तास लपून राहिले होते. तेव्हा त्यांनी पाच वाहने पकडली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com