हेरले येथे चोरट्यांनी दूचाकीसह दहा तोळे सोने व रोकड पळवली

हेरले येथे चोरट्यांनी दूचाकीसह दहा तोळे सोने व रोकड पळवली

हेरले - हेरले ( ता. हातकणंगले) येथील बबन भाऊ कदम यांच्या घरात सोमवारी मध्यरात्री चोरी झाली. चोरट्यांनी दोन दूचाकीसह दहा तोळे सोने व रोकड पंधरा हजार रुपये लंपास केले.

घटना स्थळावरून मिळालेली माहिती अशी : बबन भाऊ कदम हे सेवानिवृत्त कर्मचारी आहेत. सध्या ते शेती करतात. सोमवारी रात्री दोनच्या सुमारास चोरट्यांनी गेटचे कुलूप तोडले. नंतर काठीला मोळा बांधून त्याच्यासह्याने खिडकीतून घराच्या मुख्य दरवाज्याची कडी काढून घरात प्रवेश केला. तिजोरी उघडून दहा तोळे सोन्याचे दागिने, पंधरा हजार रुपये रोकड व स्पेलंडर दुचाकी क्र(एमएच 09 एआर 6973 )व ( एमएच 09 एफ 4065 ) या चोरून पोबारा केला.

घरातील साहित्य अस्ताव्यस्त पडले होते. चोरांनी घरातील दह्याचा डबा व छोटी पाण्याची घागर घेऊन घरापासून अंदाजे दोनशे मिटरवर दहयाचा आस्वाद घेत पर्स व इतर साहित्याची तपासणी करून त्या वस्तू तिथेच टाकून निघून गेले.

पहाटे घरातील सर्वांना जाग आल्यानंतर घरात चोरी झाल्याचा प्रकार त्यांच्या निदर्शनास आला. बबन कदम यांनी हातकणंगले पोलीस ठाण्यात याची माहिती दिली. चोरांचा माग काढण्यासाठी श्वान पथकाला पाचारण करण्यात आले होते. घरापासून दोन तीनशे मिटरपर्यंत माग काढून कोल्हापूर सांगली मार्गालगत पर्यंत जाऊन श्वान घुटमळ्ले. मध्यवस्तीत धाडसी चोरीच्या प्रकाराने गावामध्ये भितीचे वातावरण निर्माण झाले आहे.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com