"अंनिस'चे सांगलीत जवाब दो आंदोलन 

"अंनिस'चे सांगलीत जवाब दो आंदोलन 

सांगली - "अंनिस'चे संस्थापक डॉ. नरेंद्र दाभोलकरांचा खून होऊन चार वर्षं पूर्ण झाली. मात्र आजतागायत खुनातील सूत्रधार सापडलेले नाहीत. सरकारला याचा जाब विचारण्यासाठी अंधश्रद्धा निर्मूलन समिती व विविध पुरोगामी संघटनांतर्फे डॉ. दाभोलकरांच्या चौथ्या स्मृतिदिनी आज "जवाब दो' आंदोलन झाले. सनातन संस्थेची चौकशी करण्यात यावी आणि दाभोलकरांच्या मारेकऱ्यांची पोस्टर्स सार्वजनिक ठिकाणी लावावीत, अशी मागणी यावेळी करण्यात आली. महात्मा गांधी पुतळ्यासमोर भर पावसात सकाळी 11 ते दुपारी 3 वाजेपर्यंत जवाब दो धरणे आंदोलन झाले. या वेळी सीबीआयच्या विशेष गुन्हे शाखेने प्रसिद्ध केलेली दाभोलकरांच्या मारेकऱ्यांची छायाचित्रांची पत्रके वाटली. आंदोलनानंतर पोलिस अधीक्षकांना सर्व संघटनांच्या वतीने निवेदन देण्यात आले. 

दाभोलकरांच्या मारेकऱ्यांची पोस्टर्स सार्वजनिक ठिकाणी लावावीत. "सनातन'ची चौकशी करावी. साधकांवर पोलिसांनी नजर ठेवावी. "सनातन'वरील बंदीबाबत शासनाने भूमिका स्पष्ट करावी, अशी मागणी निवेदनात केली आहे. 

आंदोलनात अंनिसचे कार्यकर्ते प. रा. आर्डे, राहुल थोरात, डॉ. बाबूराव गुरव, तारा भवाळकर, डॉ. प्रदीप पाटील, डॉ. नितीन शिंदे, विजयकुमार जोखे, अजय भालकर, फारूख गवंडी, मुनीर मुल्ला, सुनील भिंगे, नामदेव करगणे, अमित शिंदे, अमित ठाकर, डॉ. संजय निटवे यांच्यासह जिल्ह्यातून आलेले कार्यकर्ते सहभागी झाले होते. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com