मिरजेतील प्रसिद्ध सतारमेकर गल्लीत आग

संतोष भिसे
मंगळवार, 27 फेब्रुवारी 2018

मिरज - येथील सतारमेकर गल्लीत स्वरसंगम म्युझीकल हाऊस या दुकानाला आज सकाळी भीषण आग लागली. आगीमध्ये मोठ्या संख्येने तंतुवाद्ये आणि  गोदाम जळून खाक झाले. सुमारे पन्नास लाखांची हानी झाल्याचा  अंदाज आहे. शाँर्टसर्कीटमुळे आग लागल्याचाही प्राथमिक अंदाज आहे.

मिरज - येथील सतारमेकर गल्लीत स्वरसंगम म्युझीकल हाऊस या दुकानाला आज सकाळी भीषण आग लागली. आगीमध्ये मोठ्या संख्येने तंतुवाद्ये आणि  गोदाम जळून खाक झाले. सुमारे पन्नास लाखांची हानी झाल्याचा  अंदाज आहे. शाँर्टसर्कीटमुळे आग लागल्याचाही प्राथमिक अंदाज आहे.

भर बाजारपेठेत आग लागल्याने शहरात एकच खळबळ उडाली. या दुकानाच्या दोन्ही बाजूंना तंतुवाद्याची दुकाने, सराफी पेढ्या आणि व्यापारी संस्था आहेत. मिरजेतील प्रसिद्ध तंतुवाद्ये, सतारी, तंबोरे आणि अनेक प्रकारची वाद्ये याच बाजारपेठेत तयार करुन विकली जातात.  महाराष्ट्रभरातून ग्राहकांची दररोज गर्दी असते.  

आज सकाळी अकरा वाजण्याच्या सुमारास रियाज अब्दुलकादर सतारमेकर यांच्या स्वरसंगम या दुकानातून धुराचे लोट निघाले, पाठोपाठ आगीचा भडका उडाला. काही समजण्यापुर्वीच आगीने संपुर्ण दुकान आणि त्याच्या मागील बाजुचे गोदाम वेढले. सतरमेकर कुटुंबातील सदस्य आणि दुकानातील कामगारांनी पळून जाऊन जीव वाचवला. 

दुर्घटनेत तयार तंतुवाद्ये, सतारीचे साहीत्य, भोपळे, परदेशी बनावटीची वाद्ये, वाद्यनिर्मितीची यंत्रे, साधने व हत्यारे भस्मसात झाली. महापालिकेच्या अग्नीशमन दलाचे बंब आग विझवण्यासाठी प्रयत्नांची शर्थ करत होते.  नागरीकांनी दुकानाच्या भिंती पाडून आग आजुबाजुला  पसरण्याला प्रतिबंध केला. दुर्घटनेमुळे निम्मी सराफ पेठ बंद झाली. अग्नीशमन दलाच्या बंबातीला पाणी संपल्याने मदतकार्य खंडीत झाले. या दुर्घटनेने मिरजेतील सतारमेकर गल्ली हादरुन गेली.

Web Title: Sangli News Fire incidence in Satarmekar Galli in Miraj

टॅग्स