शूटिंगचा यशस्वी वसगडे पॅटर्न!

- प्रकाश नलवडे
मंगळवार, 17 जानेवारी 2017

डिलिव्हरिंग चेंज फोरमच्यावतीने भारतात २४ आणि २५ जानेवारीला मुंबईत आंतरराष्ट्रीय परिषद होत आहे. जगभरात उद्योग, प्रशासन, कला आणि तंत्रज्ञान क्षेत्रात नेत्रदीपक बदल घडविणाऱया 'चेंज मेकर्स'चा सहभाग हे परिषदेचे वैशिष्ट्य आहे. दोन दिवसांच्या परिषदेत विविध विषयांवर चर्चासत्रे, नेटवर्किंग आणि ज्ञानाची देवाण-घेवाण होणार आहे. परिषदेच्या पार्श्वभूमीवर 'सकाळ' समुह महाराष्ट्राच्या सर्वांगिण विकासासाठी पाठपुरावा करीत असलेल्या क्षेत्रांमध्ये नेमके काय घडते आहे, काय घडवावे लागेल याचा विभागनिहाय आढावा घेत आहोत.
डिलिव्हरिंग चेंज फोरम
२४ व २५ जानेवारी २०१७ 
नेहरू सेंटर, मुंबई
अधिक माहिती व सहभागासाठी क्लिक करा
www.deliveringchangeforum.com

अनेक अडचणींवर मात करून कोल्हापूर जिल्ह्यातील विविध ठिकाणी चित्रीकरणाला आता पुन्हा वेग आला आहे. आउटडोअर चित्रीकरणावर भर दिला जात असून जिल्ह्यातील बंगले, फार्म हाउसना मागणी वाढली आहे. त्यातही करवीर तालुक्‍यातील वसगडे गावाने ‘शूटिंग हब’ म्हणून मिळवलेली लोकप्रियता उल्लेखनीय ठरते आहे. सध्या येथे एका दूरचित्रवाणी मालिकेचे चित्रीकरण सुरू असून त्यातून किमान ५० स्थानिक लोकांना रोजगार उपलब्ध झाला आहे. त्याशिवाय एकूणच गावातील अर्थकारणाला बळ मिळाले आहे. 
 

एका बंगल्यात चित्रीकरणाचे किमान दहा दिवसांचे शेड्यूल ठरले तर केवळ भाड्यातून किमान एक लाखाचे उत्पन्न मिळते. सलग चित्रीकरण असेल तर महिन्याचे भाड्याचे पॅकेज वेगळे असते. शहर आणि परिसरात आता असे दहा ते बारा बंगले चित्रीकरणासाठी चांगले लोकेशन्स म्हणून निर्मात्यांच्या यादीत समाविष्ट झाले आहेत. वसगडे, सांगवडे, वडणगे, शिंगणापूर, प्रयाग चिखली, हणमंतवाडी, पंचगंगा घाट, राजाराम बंधारा यासारखी पारंपरिक लोकेशन्स आजही उपयुक्त ठरत असली तरी आता डोंगरकपाऱ्यांतील काही गावेही चांगली लोकेशन्स म्हणून पुढे येत आहेत. गारगोटी परिसरातील जकीनपेठ, पन्हाळ्याच्या पायथ्याची बुधवार पेठ, गगनबावड्यातील बावडेकर हवेली, वसगडेतील जुना वाडा, फुलेवाडीतील पाटलांचा बंगला, राधानगरीतील शिरगाव, कांबळवाडी, आवळी बुद्रुक, अणदूर, पळसंबे, असळज, निपाणीचा वाडा, आजऱ्यातील रामतीर्थ, कागल घाटगे सरकारांची विहीर, वारणा परिसरातील अनेक लोकेशन्सची आता मराठी निर्मात्यांना भुरळ पडली आहे; मात्र शहराशेजारचे गावपण जपलेले आणि चांगली लोकेशन्स उपलब्ध असल्याने वसगडेचा पॅटर्न अधिक यशस्वी ठरतो आहे.

वसगडेतील गाट यांचा वाडा आणि पाटील वाडा येथे सतत विविध चित्रपट, मालिकांसाठी चित्रीकरण होते. त्याशिवाय या वाड्यांसह शाळा, शेत मळा अशी विविध लोकेशन्सही येथे आहेत. सर्वात महत्त्वाचे म्हणजे सर्व प्रकारची पिके गावात घेतली जातात. त्यामुळे चित्रीकरणासाठी कुणाला फुलांचा मळा पाहिजे तर येथे फुलांचा मळा मिळतो. कुणाला विहीर पाहिजे तर विहीर मिळते आणि कुणाला गायींचा-म्हशींचा गोठा पाहिजे तर तोही येथे उपलब्ध आहे. मुळात एखाद्या गावात चित्रीकरण करायचे म्हटले तर बघ्यांची गर्दी हाच मोठा अडथळा असतो. मात्र ग्रामस्थांनी अगदी ठरवून चित्रीकरणाला कोणताही अडथळा येणार नाही, याची खबरदारी घेतली आहे. त्याशिवाय येणाऱ्या निर्मात्याला जितके सहकार्य करता येईल, तितके देण्याची सकारात्मक भूमिका घेतली आहे.

पश्चिम महाराष्ट्र

बेळगाव - अवघ्या दोन तासांत पहिल्या ते तिसऱ्या रेल्वे फाटकाच्या किलोमीटरच्या अंतरात महिलेसह दोघांनी रेल्वेखाली झोकून देऊन...

04.48 PM

फलटण शहर : आसू - फलटण मार्गावरील राजाळे गावच्या हद्दीत बस चालकास चक्कर आलेल्याने झालेल्या अपघात १० प्रवासी किरकोळ जखमी झाले असून...

04.06 PM

कऱ्हाड : येथील पालिकेचे मुख्याधिकारी विनायक औंधकर यांच्या बदलीबाबत दोन महिन्यापासून घोळ सुरू आहे. त्यामुळे लोकांची कामे खोळंबली...

04.00 PM