गजानन महाराजांना पावसाचे साकडे; पालखी सोलापुरात

Gajanan Maharaj Palkhi in Solapur
Gajanan Maharaj Palkhi in Solapur

सोलापूर - 'गण गण गणात बोते' आणि विठुनामाचा जयघोष करीत मंगळवारी शेगावच्या श्री गजानन महाराजांच्या पालखीचे शहरात आगमन झाले. महापालिकेच्या वतीने पालखी व वारकऱ्यांचे भक्तिभावात स्वागत झाले.

महापौर शोभा बनशेट्टी यांनी सोलापूरवासीयांच्या वतीने पालखीचे स्वागत केले व  "श्रीं'ना साकडे घातले. पालखीचा दोन दिवस सोलापुरात मुक्काम राहणार आहे. उळे येथून सकाळी सहाच्या सुमारास श्री गजानन महाराजांची पालखी सोलापूरच्या दिशेने निघाली. सकाळी साडेनऊच्या सुमारास पालखीचे पाणी गिरणी चौकात आगमन झाले. भजन गात भगव्या पतका हातामध्ये घेतलेले वारकरी लक्ष वेधून घेत होते. महापौर बनशेट्टी व पोलिस आयुक्त महादेव तांबडे  यांच्या हस्ते पुष्पहार अर्पण करून पालखीचे स्वागत झाले. 

पालखीचे यंदा 50 वे वर्ष आहे. पालखी जवळपास 650 वारकऱ्यांसह शेगाव येथून पंढरपूरच्या दिशेने मार्गस्थ झाली. 

दर्शनासाठी झाली गर्दी
पाणी गिरणी चौकात पालखीच्या दर्शनासाठी भाविकांनी गर्दी केली होती. पूजेसाठी पालखी थांबविण्यात आल्यानंतर भाविकांनी दर्शन घेतले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com