पोलिसांच्या पेट्रोल पंपाची पाच लाखांची रोकड लंपास

Petrol Pump
Petrol Pump

सोलापूर : शहर पोलिस आयुक्तालयाच्या पेट्रोल पंपाची पाच लाखांची रोकड हल्ला करून पळविल्याची घटना रविवारी रात्री सव्वा अकराच्या सुमारास घडली. याप्रकरणी जेलरोड पोलिसात गुन्हा दाखल करण्यात आला आहे. 

पेट्रोल पंपाचे व्यवस्थापक मारुती लक्ष्मण राजमाने (वय 56, रा. विद्या नगर, शेळगी, सोलापूर) यांनी फिर्याद दिली आहे. शहर पोलिस मुख्यालयाच्या शेजारी अशोक पोलिस चौकीच्या मागे पोलिसांचा पेट्रोल पंप आहे. चाकुने वार झाल्याने राजमाने हे जखमी झाले आहेत. पोलिसांनी दिलेल्या माहितीनुसार, राजमाने हे रविवारी रात्री सव्वा अकराच्या सुमारास पेट्रोल पंपाची दिवसभराची रोकड घेऊन घराकडे निघाले होते. मार्कंडेय जलतरण तलावाच्या परिसरात सहा जणांनी राजमाने यांना अडविले. चाकुने वार करून जखमी केले. झटापटीत त्यांना मारहाणही करण्यात आली. राजमाने यांच्याकडील काळ्या रंगांची बॅग हिसकावून चोरटे पसार झाले. बॅगेत पाच लाखांची रोकड होती.

घटनेची माहिती कळताच जेलरोड पोलिस ठाण्याचे वरिष्ठ पोलिस निरीक्षक जी.एल.माढेकर यांच्यासह वरिष्ठ अधिकाऱ्यांनी धाव घेतली. लागलीच पोलिसांची पथके चोरट्यांच्या शोधासाठी रवाना करण्यात आली, मात्र चोरटे पोलिसांच्या हाती लागले नाहीत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com