तलाठी दाखले देत नाही, बँका विमा भरून घेत नाही

नागेश गायकवाड
बुधवार, 27 जून 2018

आटपाडी : विमा कंपन्यांनी डाळिंब विमा भरण्यासाठी तलाठी दाखल्याची अट घातली आहे. तर न्यायालयाच्या आदेशामुळे तलाठ्यांना कोणतेही दाखले देता येत नाहीत. यामुळे या वर्षी एक टक्काही शेतकऱ्यांना विमा भरता आला नसून तलाठी दाखल्याने डाळिंब विमा भरण्याला खोडा बसला आहे.   

आटपाडी : विमा कंपन्यांनी डाळिंब विमा भरण्यासाठी तलाठी दाखल्याची अट घातली आहे. तर न्यायालयाच्या आदेशामुळे तलाठ्यांना कोणतेही दाखले देता येत नाहीत. यामुळे या वर्षी एक टक्काही शेतकऱ्यांना विमा भरता आला नसून तलाठी दाखल्याने डाळिंब विमा भरण्याला खोडा बसला आहे.   

डाळिंबाचा मृग बहार सुरू झाला आहे. याचा विमा भरण्याची अंतिम मुदत पंधरा जुलै आहे. मृग बहार मोठ्या संख्येन धरला जातो. अनेक शेतकऱ्यांची कामे अंतिम टप्प्यात आहेत. डाळिंब विमा भरण्यासाठी शेतकऱ्यात जागृती झाली आहे. मात्र विमा कंपन्यांनी विविध कागदपत्रे आणि अटी घातल्यामुळे बहुतांश शेतकऱ्यांना विमा भरण्याला खोडा घातले आहे. यामुळे एक टक्काही शेतकऱ्याना विमा भरता आलेला नाही.

विमा कंपन्यांनी विविध कागदपत्रासह डाळिंब लागवडीचा तलाठी दाखल्याची अट घातली आहे. दुसरीकडे तलाठयांना दाखले देण्यास न्यायालयाने मनाई केली आहे. त्यामुळे डाळिंब लागवडीचे दाखले मिळत नसल्यामुळे शेतकऱ्यांचा विमा बँका भरून घेत नाहीत.  उताऱ्यावरील लागवडीवर शंका उपस्थित केल्या जातात. बँका तलाठी दाखलाच मागत आहेत. कृषी सहाय्यक किंवा कृषी अधिकाऱ्याचे दाखले स्वीकारला जात नाहीत. यामुळे डाळींब विमा भरण्यापासून वंचित राहण्याची वेळ आली आहे.

विम्यासाठी लागणारी कागदपत्रे
विमा फॉर्म. 7/12 उतारा. लागवडीचा दाखला. आधार ओळखपत्राची झेरॉक्स. मतदान ओळखपत्राची झेरॉक्स. बँक पासबुक. इनबॉक्स-आटपाडीतील डाळिंब लागवडीचे क्षेत्र- 9000 हेक्टर. शेतकरी संख्या-10,000. हेक्टरी विमा रक्कम-6000. विम्याची अंतिम मुदत-15 जूलै. 

तलाठी दाखले देत नाहीत तर बँका दाखल्याशिवाय विमा भरून घेत नाहीत. यावर मागॅ काढावा
दत्तात्रय गायकवाड (शेतकरी)

Web Title: Talathi does not provide certificates, banks do not pay insurance

टॅग्स