वाहनधारकांनो, नियम मोडू नका; दंडात वाढ

सकाळ वृत्तसेवा
मंगळवार, 17 जानेवारी 2017

सांगली - वाहतूक नियमांचे उल्लंघन करणाऱ्या वाहनचालकांवर आकारण्यात येणाऱ्या दंडाच्या रकमेत राज्य शासनाने वाढ केली आहे. सांगली वाहतूक नियंत्रण शाखेच्या वतीने लवकरच वाढीव दंडाची आकारणी करण्यात येणार असल्याची माहिती सहायक निरीक्षक अतुल निकम यांनी दिली.

सांगली - वाहतूक नियमांचे उल्लंघन करणाऱ्या वाहनचालकांवर आकारण्यात येणाऱ्या दंडाच्या रकमेत राज्य शासनाने वाढ केली आहे. सांगली वाहतूक नियंत्रण शाखेच्या वतीने लवकरच वाढीव दंडाची आकारणी करण्यात येणार असल्याची माहिती सहायक निरीक्षक अतुल निकम यांनी दिली.

ते म्हणाले, ‘‘मोटार वाहन कायदा १९८८ नुसार प्रदान केलेल्या सर्व अधिकारांचा वापर करून राज्य शासनाने वाहतूक नियमांचे उल्लंघन करणाऱ्या वाहन चालकांवर आकारण्यात येणाऱ्या दंडाच्या तडजोड रकमेत वाढ केली आहे. त्याची अंमलबजावणी करण्याची जबाबदारी पोलिस ठाण्यांवर आहे. वाहतूक नियंत्रण शाखेकडून सध्या जुन्या दंडाच्या रकमेप्रमाणेच आकारणी सुरू होती. परंतु आता सुधारित दंडाची रक्कम आकारली जाईल. पोलिस अधीक्षक दत्तात्रय शिंदे यांनी याबाबत वाहतूक पोलिसांना सूचना दिल्या आहेत.’’

श्री. निकम म्हणाले, ‘‘मोटार वाहन कायद्याचे उल्लंघन करणाऱ्या सर्व मोटारवाहन चालकांकडून सुधारित दंडाची रक्‍कम आकारली जाणार आहे. राज्य शासनाने दिलेल्या आदेशाचे काटेकोरपणे पालन केले जाईल. चालकांनी देखील वाहन चालवताना मोटार वाहन कायद्याचे उल्लंघन होणार नाही याची दक्षता घ्यावी. वाहतुकीसंदर्भात सर्व नियमांची अंमलबजावणी करावी. वाहन परवाना, वाहनाची कागदपत्रे बाळगणे, मोबाईलवर न बोलणे, आदी गोष्टींचे पालन करावे; अन्यथा दंडात्मक कारवाईला सामोरे जावे लागेल.’’

आरटीओकडून अंमलबजावणी-
शासनाने दंडाच्या रकमेत वाढ केल्याचे परिपत्रक नुकतेच काढले आहे. आरटीओच्या पथकाने त्याची तत्काळ अंमलबजावणी सुरू केली आहे. वाहतूक पोलिस आणि पोलिस ठाण्याकडून अद्याप त्याची अंमलबजावणी नव्हती. परंतु आता तत्काळ सुधारित दंडाची आकारणी केली जाणार आहे.
 

असा होईल दंड

गुन्हा                                जुनी दंडाची रक्कम      सुधारित दंडाची रक्कम

विना हेल्मेट (चालक व प्रवासी)         १०० रुपये             ५०० रुपये
मोबाईलवर बोलणे                        १०० रुपये             २०० रुपये
फॅन्सी नंबरप्लेट                           १०० रुपये            १००० रुपये
वेगात वाहन चालवणे                     २०० रुपये            १००० रुपये
रॅश वाहन चालवणे                        ५०० रुपये            १००० रुपये
रेसिंग                                      ३०० रुपये            २००० रुपये
वाहनात बदल करणे                      ३०० रुपये             १००० रुपये
अधिकाऱ्यांची सूचना डावलणे            २०० रुपये              ५०० रुपये
रिफ्लेक्‍टर नसणे                           १०० रुपये             १००० रुपये
लेन कटिंग                                 १०० रुपये               २०० रुपये
फिल्म लावणे/ टिंटेड ग्लास               १०० रुपये               २०० रुपये
सीट बेल्ट न लावणे                       १०० रुपये               २०० रुपये
सिग्नल तोडणे                             १०० रुपये               २०० रुपये
नो पार्किंग                                 १०० रुपये                २०० रुपये
प्रवेश बंदी/ एकेरी मार्ग                   १०० रुपये                २०० रुपये
ट्रिपल सीट                                १०० रुपये                २०० रुपये
परवाना न देणे                            १०० रुपये                २०० रुपये
परवान्याशिवाय वाहन चालवणे           ३०० रुपये                ५०० रुपये
जोरात हॉर्न वाजवणे                      १०० रुपये                 २०० रुपये
स्टॉप लाइनचे उल्लंघन                   १०० रुपये                 २०० रुपये
चिन्हांचे उल्लंघन                         १०० रुपये                  २०० रुपये

पश्चिम महाराष्ट्र

1 लाख 700 रुपयांची मशीन 2 लाख 550 रुपयांना - उमेश सावंत यांची चौकशीची मागणी  जत - नगरपालिकेने गतवर्षी नोव्हेंबर...

08.54 AM

पाठ्यपुस्तकांचा पुरवठा नाही - पहिल्या दिवशी पुस्तके घोषणा पाच वर्षांपासून हवेतच...

08.54 AM

विटा - आदर्श अभियांत्रिकी महाविद्यालयातील इलेक्‍ट्रिकल विभागातील विद्यार्थ्यांनी...

08.54 AM