आंबेगावात 36 ग्रामपंचायती हागणदारीमुक्त

सकाळ वृत्तसेवा
रविवार, 30 ऑक्टोबर 2016

मंचर - आंबेगाव तालुक्‍यातील 103 ग्रामपंचायतींपैकी 36 ग्रामपंचायती 100 टक्के हागणदारी मुक्त झाल्या आहेत. तालुक्‍यात तीन हजार 642 कुटुंबांकडे अजून शौचालये नाहीत. आदिवासी भागातील गावे व अनेक दिग्गज नेत्यांचीच गावे हागणदारीमुक्त योजनेत मागे पडली आहेत. त्यामध्ये विधानसभेचे माजी अध्यक्ष दिलीप वळसे पाटील यांचे निरगुडसर व खासदार शिवाजीराव आढळराव पाटील यांच्या लांडेवाडी-चिंचोडी गावाचाही समावेश आहे.

मंचर - आंबेगाव तालुक्‍यातील 103 ग्रामपंचायतींपैकी 36 ग्रामपंचायती 100 टक्के हागणदारी मुक्त झाल्या आहेत. तालुक्‍यात तीन हजार 642 कुटुंबांकडे अजून शौचालये नाहीत. आदिवासी भागातील गावे व अनेक दिग्गज नेत्यांचीच गावे हागणदारीमुक्त योजनेत मागे पडली आहेत. त्यामध्ये विधानसभेचे माजी अध्यक्ष दिलीप वळसे पाटील यांचे निरगुडसर व खासदार शिवाजीराव आढळराव पाटील यांच्या लांडेवाडी-चिंचोडी गावाचाही समावेश आहे.

बागायत क्षेत्रातील गावातील तसेच मोटार सायकल, तीन ते चार मोबाईल वापरत असलेल्या काही कुटुंबांनीही अजून शौचालये बांधली नसल्याची माहिती पुढे आली आहे. जनजागृती व विनंत्या करूनही कुटुंब दाद देत नसल्याने त्यांच्या विरोधात दंडात्मक कारवाई करण्यासाठी आंबेगाव तालुक्‍यात 67 अधिकाऱ्यांचा समावेश असलेले पथक दिवाळीनंतर कार्यरत होणार आहे. याकामी पोलिसांचीही मदत घेण्याचे नियोजन केले आहे.

हागणदारीमुक्‍त योजनेत मागे राहिलेल्या नेत्यांची गावे पुढीलप्रमाणे ः दिलीप वळसे पाटील यांच्या निरगुडसर गावात 67 कुटुंबांकडे, शिवाजीराव आढळराव पाटील यांच्या लांडेवाडी-चिंचोडी गावात 50 कुटुंबांकडे, सभापती जयश्री डोके यांच्या खडकवाडी गावात 43 कुटुंबांकडे, पुणे जिल्हा परिषद सदस्य मथाजी पोखरकर यांच्या पिंपळगाव गावात 36 कुटुंबांकडे, शिवसेनेचे उपजिल्हा प्रमुख रवींद्र करंजखिले यांच्या धामणी गावात 29 कुटुंबांकडे, पुणे जिल्हा परिषद सदस्या अलका घोडेकर व पंचायत समिती सदस्य कैलासबुवा काळे यांच्या घोडेगावमध्ये 57 कुटुंबांकडे, पुणे जिल्हा परिषद सदस्य सुभाष मोरमारे यांच्या तळेघरमध्ये 54 कुटुंबांकडे, पंचायत समिती सदस्य मनोहर भालेराव यांच्या पेठ गावात 239 कुटुंबांकडे अजून शौचालये नाहीत.
उपसभापती सुभाष तळपे यांचे गोहे बुद्रुक, सरपंच दत्ता गांजाळे यांचे मंचर, आंबेगाव तालुका राष्ट्रवादी कॉंग्रेसचे अध्यक्ष विष्णू हिंगे यांचे अवसरी बुद्रुक, भाजपचे तालुकाध्यक्ष जयसिंग एरंडे यांचे कोल्हारवाडी व पुणे जिल्हा परिषद सदस्य प्रमोद कानडे यांचे कळंब ही गावे 100 टक्के हगणदारीमुक्त झाली आहेत.

पुणे

पिंपरी : महापालिकेचा मिळकतकर आणि पाणीपट्टी हे सध्या ऑनलाइन तसेच करसंकलन कार्यालयात जाऊन भरण्याची व्यवस्था कार्यान्वित आहे. ही...

07.57 PM

पिंपरी : "व्हायचे आहे जयांना या जगी मोठे त्या इमानी माणसांचे सोसणे चालू'' असे गझलकार शोभा तेलंग आपल्या गझलमध्ये व्यक्त...

07.21 PM

नवी सांगवी : येथील इंद्रप्रस्थ चौकातील शंकराचा पुतळा भाविकांचे श्रद्धास्थान होत आहे. पिंपरी चिंचवड महानगरपालिकेच्या वतीने...

06.24 PM