बारामतीत कॅन्सर हॉस्पिटलच्या जागेचा प्रश्न मार्गी

बारामतीच्या शासकीय वैद्यकीय महाविद्यालयाशेजारी असलेल्या राज्य परिवहन मंडळाच्या कार्यशाळेची जागा नियोजित कॅन्सर हॉस्पिटलसाठी संपादीत करण्याचा अजित पवार यांचा मानस आहे.
Ajit Pawar
Ajit Pawaresakal
Summary

बारामतीच्या शासकीय वैद्यकीय महाविद्यालयाशेजारी असलेल्या राज्य परिवहन मंडळाच्या कार्यशाळेची जागा नियोजित कॅन्सर हॉस्पिटलसाठी संपादीत करण्याचा अजित पवार यांचा मानस आहे.

बारामती - उपमुख्यमंत्री अजित पवार (Ajit Pawar) यांच्यादृष्टीने काहीसा संवेदनशील व महत्वाकांक्षी असलेल्या नियोजित कॅन्सर हॉस्पिटलच्या (Cancer Hospital) जागेबाबत (Place) आज मंत्रालयात महत्वपूर्ण बैठक पार पडली. अजित पवार यांच्या अध्यक्षतेखाली झालेल्या बैठकीस राज्य परिवहन मंडळ, एमआयडीसी, वैद्यकीय शिक्षण व अर्थ विभागाचे वरिष्ठ अधिकारी उपस्थित होते. बारामतीत कॅन्सर हॉस्पिटलच्या जागेचा प्रश्न आता मार्गी लागला आहे.

बारामतीच्या शासकीय वैद्यकीय महाविद्यालयाशेजारी असलेल्या राज्य परिवहन मंडळाच्या कार्यशाळेची जागा नियोजित कॅन्सर हॉस्पिटलसाठी संपादीत करण्याचा अजित पवार यांचा मानस आहे. त्या दृष्टीने आजच्या बैठकीत महत्वपूर्ण चर्चा झाली.

एसटी कार्यशाळेसाठी एमआयडीसीमध्ये तितकीच जागा उपलब्ध करुन देण्यात येणार असून वैद्यकीय महाविद्यालयाशेजारील सध्याची कार्यशाळेची जागा कॅन्सर हॉस्पिटलसाठी हस्तांतरीत करण्याबाबतही चर्चा झाली. अजित पवार यांनी सर्व संबंधित वरिष्ठ अधिका-यांना या बाबत आवश्यक ती कायदेशीर कार्यवाही करण्याच्या सूचना दिल्या आहेत. या शिवाय एमआयडीसीमध्ये क्रीडा संकुल करण्याच्या दृष्टीनेही चर्चा झाली.

या बाबत संबंधितांनी आवश्यक ती कार्यवाही करावी, अशा सूचना पवार यांनी दिल्या. त्या नुसार आता कॅन्सर हॉस्पिटलसाठी जागा मिळण्याचा मार्ग आता मोकळा झाला आहे. ही जागा उपलब्ध झाल्यानंतर येथे हॉस्पिटल उभारणीसाठी प्रकल्प अहवाल तयार होणार आहे. खासदार सुप्रिया सुळे यांनी या हॉस्पिटल उभारणीसाठी टाटा कॅन्सर हॉस्पिटलच्या व्यवस्थापनासोबत अगोदरच चर्चा सुरु केली असून येत्या काही दिवसात याचा नेमका आराखडा तयार होणार आहे.

पश्चिम महाराष्ट्राला बारामती मध्यवर्ती...

नगर, सातारा, सोलापूर, पुणे व कोल्हापूर जिल्ह्याच्या दृष्टीने बारामती मध्यवर्ती असून बारामतीतील कॅन्सर हॉस्पिटल या सर्व जिल्ह्यांसाठी मध्यवर्ती असेल, असे अजित पवार यांनी या बैठकीत नमूद केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com