तोकडी कपडे परिधान करीत असल्याने आयटी कंपनीतील तरुणींना मारहाण

भाड्याच्या सदनिकेमध्ये राहणाऱ्या आयटी कंपनीतील तरुणी केवळ तोकडी कपडे परिधान करीत असल्याने सोसायटीतील लोकांनी त्यांना शिवीगाळ करीत मारहाण केल्याचा धक्कादायक प्रकार उघडकीस आला.
Beating
BeatingSakal
Summary

भाड्याच्या सदनिकेमध्ये राहणाऱ्या आयटी कंपनीतील तरुणी केवळ तोकडी कपडे परिधान करीत असल्याने सोसायटीतील लोकांनी त्यांना शिवीगाळ करीत मारहाण केल्याचा धक्कादायक प्रकार उघडकीस आला.

पुणे - भाड्याच्या सदनिकेमध्ये राहणाऱ्या आयटी कंपनीतील (IT Company) तरुणी (Girls) केवळ तोकडी कपडे परिधान (Cloth Wearing) करीत असल्याने सोसायटीतील लोकांनी त्यांना शिवीगाळ करीत मारहाण (Beating) केल्याचा धक्कादायक प्रकार उघडकीस आला आहे. याबरोबरच घरमालकीणीलाही शिवीगाळ करण्यात आली आहे. विशेषतः मारहाण झालेल्या तरुणी परप्रांतीय आहेत. दरम्यान, पोलिसांनी या प्रकरणाची गांभीर्याने दखल घेत तीन महिलांसह सहा जणांना अटक (Arrested) केली आहे.

अलका किसन पठारे, शीतल कमलेश पठारे, सीमा बाळासाहेब पठारे, सचिन किसन पठारे, केतन बाळासाहेब पठारे, किरण सचिन पठारे अशी गुन्हा दाखल केलेल्यांची नावे आहे. याप्रकरणी ज्योती संजय येळे (रा. लेक्‍सीस सोसायटी, खराडी) यांनी चंदननगर पोलिस ठाण्यात फिर्याद दिली आहे. फिर्यादी येळे यांची खराडीतील रक्षकनगर परिसरातील लेक्‍सीस सोसायटीमध्ये सदनिका आहे. त्यांनी त्यांची सदनिका आयटी कंपनीमध्ये काम करणाऱ्या दोन परप्रांतीय तरुणींना भाडेतत्वावर राहण्यासाठी दिली आहे.

Beating
पुणे : घरमालकीणीकडून पेईंग गेस्ट तरूणींना जबर मारहाण

दरम्यान, गुन्हा दाखल झालेल्या व्यक्तीही त्याच सोसायटीमध्ये राहण्यास आहेत. संबंधित तरुणी तोकडी कपडे परिधान करुन ये-जा करतात. त्याचा रहिवाशांना त्रास होतो, असा आरोप करीत संबंधित महिला व पुरुष बुधवारी रात्रीच्या सुमारास फिर्यादीच्या सदनिकेमध्ये शिरले. त्यांनी फिर्यादीच्या सदनिकेमध्ये राहणाऱ्या तरुणींना शिवीगाळ करीत चप्पलने मारहाण केली. तसेच फिर्यादी येळे यांनाही त्यांनी धमकी दिल्याचे फिर्यादीमध्ये नमूद करण्यात आले आले आहे. या प्रकरणाचा तपास सहाय्यक पोलिस निरीक्षक मनोहर सोनवणे करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com