टोमॅटो खरेदीवरून नारायणगावमध्ये शेतकरी-व्यापार्‍यांमध्ये वाद

सकाळ वृत्तसेवा
शनिवार, 3 जून 2017

नारायणगाव : शेतकरी संपाबाबत शेतकरी संघटनांमध्ये फूट पडल्याने किसान क्रांती संघटनेने संप मिटल्याचे जाहीर करुनही आज सलग तिसऱ्या दिवशी नारायणगाव येथील टोमॅटो व मेथी, कोंथबिरीचे लिलाव बंद ठेवण्यात आले. संप मिटल्याचे जाहीर झाल्याने आज शेतकऱ्यांनी येथील उपबाजारात टोमॅटो विक्रीसाठी आणले. मात्र व्यापाऱ्यांनी खरेदी करण्यास नकार दिल्याने टोमॅटो उत्पादकांचे लाखो रुपयांचे नुकसान झाले. यामुळे उपबाजारात तणाव निर्माण झाला होता.

नारायणगाव : शेतकरी संपाबाबत शेतकरी संघटनांमध्ये फूट पडल्याने किसान क्रांती संघटनेने संप मिटल्याचे जाहीर करुनही आज सलग तिसऱ्या दिवशी नारायणगाव येथील टोमॅटो व मेथी, कोंथबिरीचे लिलाव बंद ठेवण्यात आले. संप मिटल्याचे जाहीर झाल्याने आज शेतकऱ्यांनी येथील उपबाजारात टोमॅटो विक्रीसाठी आणले. मात्र व्यापाऱ्यांनी खरेदी करण्यास नकार दिल्याने टोमॅटो उत्पादकांचे लाखो रुपयांचे नुकसान झाले. यामुळे उपबाजारात तणाव निर्माण झाला होता.

एक जूनपासून शेतकरी संपावर गेल्याने गेले दोन दिवस जुन्नर कृषी उत्पन्न बाजार समितीने नारायणगाव, आळेफाटा, ओतूर येथील फळ, भाजीपाल्याचे उपबाजार बंद ठेवले होते. मुख्यमंत्र्यांसोबत झालेल्या बैठकीनंतर किसान क्रांती संघटनेने संप मिटल्याचे जाहीर केले होते. यामुळे जुन्नर, आंबेगाव तालुक्‍यातील टोमॅटो उत्पादकांनी आज सकाळपासूनच टोमॅटोची तोडणी करण्यास सुरवात केली. आज दुपारी बारानंतर उत्पादकांनी टोमॅटोचे क्रेट येथील उपबाजारात विक्रीसाठी आणले होते. टोमॅटो खरेदी करण्यासाठी शेतकऱ्यांनी व्यापाऱ्यांकडे आग्रह धरला. मात्र व्यापाऱ्यांनी टोमॅटो खरेदी करण्यास नकार दिला.

सहायक पोलिस निरीक्षक टी. वाय. मुजावर, बाजार समितीचे कार्यालयीन प्रमुख यांनी व्यापारी व शेतकऱ्यांशी चर्चा केली. मात्र व्यापाऱ्यांनी टोमॅटो खरेदी न करण्याची भूमिका घेतल्याने शेतकरी टोमॅटो घेऊन माघारी गेले. यामुळे उत्पादकांचे मोठे नुकसान झाले.

'शेतकरी संपा'विषयीच्या इतर बातम्या वाचण्यासाठी क्लिक करा

शेतकरी संघटनांच्या दुटप्पी भूमिकेबाबत शेतकऱ्यांनी नाराजी व्यक्त केली. याबाबत व्यापारी जालिंदर थोरवे, सारंग घोलप, किसन कुतळ म्हणाले, ''31 मे रोजी खरेदी केलेले तीन हजार क्रेट टोमॅटो फेकून दिले. टोमॅटोच्या गाड्या शेतकरी संघटनेच्या कार्यकर्त्यांनी अडवून क्रेटसह टोमॅटो रस्त्यावर टाकून दिल्याने व्यापाऱ्यांना मोठा आर्थिक फटका बसला आहे. शेतकरी संप मिटल्याबाबत अजूनही शेतकरी संघटनांमध्ये एकवाक्‍यता नाही. महामार्गावर काही शेतकरी संघटनांच्या वतीने शेतमालाचे ट्रक अडवले जात आहेत. यामुळे टोमॅटोची वाहतूक करायला ट्रक चालक व मालक तयार नाहीत. नुकसान टाळण्यासाठी वाहतूक सुरळीत होईपर्यंत टोमॅटोसह इतर भाजीपाला खरेदी न करण्याचा निर्णय व्यापाऱ्यांनी घेतला आहे.``

सहायक पोलिस निरीक्षक मुजावर यांनी आज येथील स्थानिक शेतकरी संघटनेच्या पदाधिकाऱ्यांसोबत चर्चा करुन कायदा सुव्यवस्था राखण्याचे आवाहन केले. नारायणगाव पोलिस ठाण्याच्या हद्दीत शेतमाल व दूध वाहतूक करणाऱ्या मालट्रक अडवल्यास कारवाई करण्याचा इशारा मुजावर यांनी दिला.

'ई सकाळ'वरील इतर महत्त्वाच्या बातम्या

जय महाराष्ट्रबद्दल MSRTC च्या वाहक, चालकावर बेळगावात गुन्हे दाखल

CBSE परीक्षेत जळगावची आयुषी पायघन राज्यात प्रथम

काश्‍मीरींना 'व्हिलन' ठरवू नका! : काश्मिरी पत्रकार

वराडला आता प्रतिक्षा आयर्लंडच्या पंतप्रधानांची !

सर्जिकल स्ट्राईकनंतर घुसखोरीत 45 टक्क्यांनी घट

Web Title: farmers strike Pune news marathi breaking news marathi news Narayangaon